Vanden stoete die een wile seer tijts uutgestaen heeft tusschen oliviere van/ van wezemale in deen zide en(de) janne vand(er) coevoert in dande(re) alse van zeke(re)n/ misdaden die sij deen den ande(re)n gedaen mochte(n) hebbe(n) en(de) des d(air)aen/ cleve(n) mach tot op den dach van heden wille(n) [hebben] hen die selve p(ar)tijen [oic] sub/ mitte(er)t in segge(re)n en(de) vrintlike(n) yffene(re)n te wete(n) die vors(creven) olivier janne [in]/ janne ende henricke(n) van wezemale sine(n) bruede(re)n en(de) die voirs(creven) jan vand(er)/ coevoert in jacope(n) uute(n) lye(min)[ge(n)] en(de) jacope de(n) gruyte(re) in alsulker vueghe(n)/ dat die selve segghe(re)n beyd(er) p(ar)tyen bescheit aenghehoirt ende d(er) p(ar)tien/ ghetuygenisse geexamineert hue(r) segge(n) daer af eendrechtichlijc p(ro)nu(n)/ cie(re)n ende uutsegghe(n) sulle(n) tussche(n) dit en(de) van hede(n) ov(er) dre weke(n)/ neestcomende op dat sijs eens en(de) van accoerde sijn en(de) en sijns die selve/ segge(re)n niet van accoerde soe sulle(n) sij bynne(n) xiiii nachte(n) d(air)nae hale(n)/ vand(er) sake(n) een vo(n)nisse voe(r) den scep(enen) vande(n) bute(n) banck van lye(r) bij alsoe/ oft enig(er) p(ar)tien segge(r) gebrake dat hij in die stad ene(n) ande(re)n sal/ moghe(n) kiese(n) [en(de) neme(n)] geloven(de) vast te houde(n) [(et)c(etera)] wijtfliet prijke(re) ap(ri)l(is) xxiiii