Cond zij alle(n) liede(n) dat want in tijde(n) voirlede(n) eene zeke(re) deyli(n)ge/ en(de) scheydinge voe(r) scepen(en) van loven gemaect en(de) geschiet es/ tussche(n) marie(n) docht(er) henrix wijle(n) van grettekem die nu wijf/ en(de) medegesellynne es tyelmans van schoene(n)berge in deen zijde / en(de) he(n)ricke de mandemake(re) met wille en(de) consente katlijne(n)/ van grettekem zust(er) d(er) voirs(creven) marie(n) in dande(re) alse van zeke(re)n/ goede(n) die bleve(n) en(de) hen verstorve(n) sijn nae en(de) vand(er) doot der?/ voirs(creven) wijle(n) henrix gelijc de scepen(en) brieve vand(er) voirs(creven) deyli(n)ge/ d(aer)op gemaect volcomelijc inhoude(n) en(de) begrijpe(n) Soe eest dat/ zwane van grettekem docht(er) des voirs(creven) wijle(n) henrix en(de) zijst(er)/ d(er) voirs(creven) gezijst gezuste(re)n come(n) es voe(r) scepen(en) van love(n) en(de) heeft/ op de voirs(creven) goede alsoe verre als die inde voirs(creven) deylinghe/ begrepe(n) en(de) genoempt staen oppe(n)bairlijc verthege(n) en(de) gerenu(n)cieert/ beloven(de) de voirs(creven) zwane de voirs(creven) deylinge vast en(de) gestedich/(...) mandemake(re) katlijne(n)(...) marie(n) sijne(n) wijve/(...)