Item want stoet en(de) tebat voe(r) den raide vand(er) stad opv(er)staen en(de) v(er)resen/ wa(r)en tusschen den p(ro)chiaen der kerken van s(in)[te] machiels in deen zijde/ en(de) den kerckmeest(er) vand(er) selv(er) kerke(n) in dande(re) alse vand(er) sepul/ ture(n) en(de) kerrecrechte der gheenre het sij man oft wijf die ind(er)/ selv(er) p(ro)chien aflivich worden begeerden bege(re)n gesepuleert te w(or)de(n)/ en(de) te liggen in e(n)nige(n) vanden drien orden(en) oft elswair buyte(n)/ der kerken van hue(re)r vors(creven) p(ro)chie(n) d(air) af dat de selve kercmeest(er)/ inden name vand(er) vors(creven) kerke(n) begeerden vande(n) vors(creven) p(ro)chiane/ wed(er)gekeert te hebbe(n) de helcht vande(n) exequie(n) dwelc de selve/ p(ro)chiaen een wiletijts geheelic en(de) al opgebuert heeft en(de) hen/ voirgehouden sond(er) hen d(air)inne e(n)nich recht te wille(n) kenne(n) dwelc/ den voirs(creven) kerckmeest(ere)n zee(r) verwond(er)de gemerct dat sij de selve/ helcht vand(er) vors(creven) exeq(ui)e(n) mids oude costume(n) die sij d(air) af bove(n)/ ande(re)n kerckmeest(ere)n binne(n) love(n) gehadt hebbe(n) also lange dat/ nyem(ande) de contrarie en weet van gelijke(n) gebuert hebbe(n) en(de)/ oic dat oppenbaerlic in oude(n) reken(en) bij hue(re)n voirsete(n) ov(er)ge/ geve(n) gerekent bevonde(n) hebbe(n) dair op dat de vors(creven) p(ro)chiaen/ hem v(er)antwerde met alrehande(n) woerde(n) mar ond(er) den ande(re)n/ hopende dat hij den vors(creven) kerckmeest(er) vande(n) vors(creven) exequie(n) in/ e(n)nig(er) manie(re)n sculd(ich) en wa(r)e te deile(n) en(de) dat de selve exeq(ui)e(n)/ nyeman(de) toebehore(n) dan hem allene mar niet te min so wes/ vande(n) p(ro)chiane vand(er) p(ro)chien kerken binne(n) love(n) den kercmeest(ere)n/ van hue(re)n p(ro)chie(n) van geliken doen dat boet ende p(re)senteerde/ de selve p(ro)chiaen van s(in)[te] mychiels den voirs(creven) kerckmeest(ere)n/ te late(n) volge(n) dwelc hij [en(de) woude hen dat] guetlic ov(er)geve(n) en(de) vredelec late(n)/ volge(n) sond(er) e(n)nige zwarich(eit) d(air) inne te maken Soe eest/ dat de raid vand(er) stad beid(er) p(ar)tijen bescheit aengehoert/ in hue(re)n vollen rade met vollen gevolge ge(ter)mineert heeft/ dat de vors(creven) p(ro)chiaen van s(in)[te] mychiels gestaen sal met/ alsulk(er) p(re)sentacie(n) als hij gep(re)senteert heeft mer want de raid/ v(er)stonde dat de vors(creven) kerckmeest(ere)n possessien ruerde(n) ende/ meer (...) van gelijke(n) hoepte(n) te hebben dan ande(re) kerckmeest(eren)?/ dat (...) vand(er) stad met rechte v(er)volghe(n) dat/(...)/
//
desgelijx so was stoet en(de) tebat voe(r) den vors(creven) raide opv(er)stae(n) tussche(n)/ den vors(creven) kerckmeest(eren) van s(in)[te] mach(iel) in deen zijde en(de) mychiele van/ hortbeke in dande(re) alse van zeke(re)n kercrechte(n) en(de) sepulture(n) die/ de selve kercmeest(ere)n den vors(creven) mychiele eisschende waren/ van sijne(n) tween huysvrouwe(n) die binne(n) d(er) vors(creven) p(ro)chie(n) aflivich/ worde(n) sijn t(er) wile(n) dat de selve mychiel ind(er) vors(creven) p(ro)chie(n) kerc/ meest(er) was en(de) ind(er) vors(creven) kerken geg(ra)ve(n) dair af dat de selve/ kercmeest(er) en(de) mombours noch opde(n) dach van hede(n) vanden/ kercrechte ombetaelt sijn hopende en(de) meyne(n)de wa(n)t hue(r)/ voersete(n) die(n) huysvrouwe(n) binne(n) hue(re)n regeme(n)te aflivich worde(n)/ sijn die sij met name(n) voe(r) den vors(creven) raide noemde(n) van gelike(n)/ d(er) vors(creven) kerke(n) v(er)nueght hebbe(n) dat hen oec de vors(creven) mychiel/ inde(n) name d(er) selv(er) kerke(n) d(air) af de vors(creven) sepultu(r)e betalen/ soude dair op de vors(creven) mychiel andw(er)de seggende van/ cont(ra)rie(n) wa(n)t sijn voersete(n) die kercmeest(er) geweest sijn die(n)/ huysvrouwe(n) binne(n) hue(re)n regeme(n)te aflivich worde(n) sijn die/ hij oec met name ald(air) noemde vand(er) sepulture(n) ongehouden sijn/ geweest en(de) d(air)af tot h(ier)toe niet betaelt en hebbe(n) Soe/ hoepte hij oec van geliker condicie(n) te wese(n) en(de) ongehouden/ van tgene datme(n) hem eisschende es Also dat de vors(creven) raid/ vand(er) stad t(er)mineerde met volle(n) gevolge wa(n)t sij v(er)stonde/ dat e(n)nige p(er)sone noch leve(n)de wa(r)en [die] van gelijke in gebreke/ sijn souden dat de vors(creven) kerckmeest(er) tselve also v(er)re als/ sij van hue(re)n sepulture(n) in gebreke sijn aen hen v(er)eissche(n) soude(n)/ ind(er) manie(re)n dat de selve kercmeest(er) met dien p(er)sone(n) ov(er)come(n)?/ soude(n) dat sij nae de gelande met mynne(n) en(de) vriendscape(n)/ ond(er)linge(n) mette(n) vors(creven) mychiele desgelijx ov(er)queme(n) op/ datme(n) dat den ene(n) niet voerd(er) en moeyde oft/ belaste dan den ande(re)n actu(m) cor(am) eisd(em)