It(em) cond zij allen lieden dat henric vand(er) strate(n) gehete(n) pijlijser/ in jeg(enwoirdicheit) der scepene(n) van loeven(en) gestae(n) heeft genome(n) en(de) bekint/ dat hij genome(n) heeft van joffr(ouwe) joha(n)ne(n) van hoelaer weduwe/ henrix wile(n) van delbroeke eene(n) beempt houden(de) een boend(er) oft/ d(aer) omtre(n)t gehete(n) den borrebeempt gelege(n) inde p(ro)chie van/ cortbeke t(er) plaetse(n) gehete(n) t(er) vele(n) tusse(n) de goede der voirs(creven) joffr(ouwen)/ joha(n)ne(n) en(de) de strate ald(aer) Te houde(n) en(de) te hebbe(n) van half merte/ lestlede(n) eene(n) t(er)mijn van drie jae(re)n langc deen na dander/ sond(er) middel volgen(de) elx jaers dae(re)n bynne(n) o(m)me en(de) voe(r) xiii/ g(ri)pen te xl pl(a)c(ken) alle jae(re) s(in)[te] m(er)tensmisse inde(n) wynt(er) te/ / betale(n) d(er) voirs(creven) joffr(ouwen) joha(n)ne(n) oft [en(de)] ja(n)ne h(er)mans oft den eene(n) van hen beide(n)/ den voirs(creven) t(er)mijn due(re)nde en(de) telke(n) t(er)mijne als v(er)volghde schout/ It(em) es vurwerde dat de vors(creven) henr(ic) den vors(creven) beempt alle jae(re)/ den vors(creven) t(er)mijn due(re)nde twee dage sal royeele(n) It(em) wa(n)t de/ vors(creven) henr(ic) den voirs(creven) beempt wael v(er)maect en(de) bevreet vyndt/ so es vurwerde dat de vors(creven) henr(ic) den selve(n) beempt ten/ afsceide(n) van sijne(n) t(er)mijne oec also late(n) sall opp(endorp) willemair/ julii ix[a]