Nae dien dat voe(r) den raide vander stad in geschille comen wae(re)n de eerw(er)dige(n) h(er)/ wouter moelgaert proefst des cloesters van s(en)[te] g(er)trude(n) te loeve(n) inde(n) name vande(n)/ selven godsh(uyse) in deen zijde ende symoen de molde(re) die nae den rechte d(er) stad van/ love(n) geleit es totten goeden goerts wilen gelijns in dander alse van eene(n) gulden(en)/ d(enier) gehete(n) mottoen goet ende ginghe den welke(n) tselve godsh(uys) heisschen(de) was/ aen huyse hove met hue(re)n toebehoerte(n) des selfs wilen goerts gelijns gelegen/ inde ridderstrate ende de selve symoen voe(r) den selven raide oppenbarlic/ gekent hadde dat hij den selven gul(den) mottoen sculd(ich) was mer meynde te/ gestae(n) met xiiii pl(a)c(ken) Soe heeft de raid vander stad te voe(re)n ripen raet/ opde vors(creven) materie gehadt overdrage(n) dat de selve p(ar)tijen vanden vors(creven) stote/ rechts plegen soude(n) nae tke(n)ne(n) ende liden des voirs(creven) symoens voe(r) meye(r) ende/ scepene(n) van lov(en) ald(aer) sij ten naeste(n) v(er)strijkende(n) dage be come(n) sijn ende hebbe(n)/ huer bescheit in beyden zijden met hue(re)n geleverden voirsprake doe(n) segge(n)/ inden rechte Ende ten uut(er)sten hebben de h(ere)n scepenen van loeve(n) t(er) manisse(n) smey/ smeyers gewijst voe(r) een vo(n)nisse dat de voirs(creven) symoen den vors(creven) godsh(uyse) betalen/ sall alsulken guld(en) mottoen als de geswore(n) wissele(re) d(er) stad van lov(en) prisen sal/ p(rese)nt(ibus) o(mn)ib[(us)] scab(inis) dempto velde febr(uarii) xiii[a] anno xlii[o]