Vand(er) aensprake die wout(er) vand(er) hofstad alse v nae den rechte/ d(er) stad van loeve(n) geleyt totten goeden willems vand(er) hofstad/ tsijns brueders gedaen heeft tot gielise wants rue(re)nde en(de)/ me(n)sie maken de vand(er) hue(r)inge(n) van ene(n) beemde te haeght gelege(n)/ den welken de vors(creven) gielijs met eene(n) sijne(n) medeplichte(re) te gader/ jege(n) den vors(creven) wille(m)me vand(er) hofstad gehuert hadde eene(n)/ t(er)mijn van vi jae(re)n lang elix jairs daren bynne(n) om xxxvi/ xxxvii guldene(n) te xl pl(a)c(ken) en(de) daer af de vors(creven) wout(er) vand(er)/ hofstad kinde dat hij de viere jair selve den bempt ov(er)/ genomen hadde en(de) datten de vors(creven) gielijs gehuert/ hadde als vors(creven) es en(de) twe jare(n) gehoude(n) dat kinde hij/ / oppenbairlijc inde(n) rechte nae dat de vors(creven) wout(er) ierst in/ sijnre aenspraken selve lijde vande(n) vors(creven) twe jaer hue(re)n/ gehave(n) te hebben(e) xxv guld(en) Was gewijst met dese(n) woerde(n)/ t(er) manisse(n) smeyers bijden he(re)n scepene(n) van van van lov(en) dat/ de vors(creven) gielijs wants den selve(n) woute(re)n vanden sorpl[(us)]/ der vors(creven) hueringe(n) betalinge doen soude oft bewisenisse/ van betalinge(n) cor(am) o(mn)ib[(us)] scab(inis) dempto pynnock m(ar)tii ix/