Cond zij allen lieden dat wille(m) coesma(n) wonen(de) te ned(er)ijssche/ sone wile(n) wout(er)s in jeg(enwoirdicheit) d(er) scepene(n) van loeve(n) gestaen heeft/ genome(n) en(de) bekint dat hij genome(n) heeft van wout(ere)n monet/ gehete(n) sangwijn thof des selfs wout(er)s gehete(n) thof te ned(er)ijssche/ mette(n) huyse(n) hove(n) schue(re)n wynne(n)de(n) lande(n) beemde(n) bog(ar)de(n) en(de)/ allen sijne(n) toebehoerte(n) gelijckerwijs de selve goede geleg(en) sijn/ te nederijssche Te houde(n) te hebbe(n) en(de) te wynne(n) van half/ meerte neestcomen(de) eene(n) t(er)mijn van xii jaere(n) langc deen nae/ dand(er) stappans sond(er) middel volgen(de) elx jaers dae(re)n bynne(n) te/ wete(n) de voirs(creven) lande om de helcht vande(n) coerne en(de) vruchte(n)/ opde vors(creven) goede jarlix wassende en(de) de voirs(creven) beemde en(de)/ bog(ar)t o(m)me en(de) vore te wete(n) de ierste vi jaren o(m)me en(de)/ vore vii guld(en) schilde d(er) mu(n)te(n) ons gened(ichs) h(ere)n des h(er)toge(n) van/ bourg(oig)[nen] en(de) van braba(n)t gelijc nu gemeynlic in borse(n) gaen/ en(de) ii grijpe(n) te weten xl pl(a)c(ken) voir elc grijpe vors(creven) gereke(n)t/ alle jare s(en)[te] m(er)tensmisse inden wynt(er) te betalen Te weten/ de helcht d(aer) af den vors(creven) wout(ere)n en(de) dand(er) twee deele/ ja(n)ne mussche en(de) cleme(n)cie(n) weduwe henrix wile(n) mussche/ jairlix den vors(creven) t(er)mijn due(re)nde q(u)[o](libet) as en(de) de leste vi jaren/ o(m)me en(de) vore x guld(en) schilde d(er) mu(n)ten en(de) ii grijpen/ gereke(n)t als voe(r) jarlix te betalen en(de) te deilene gelijc/ vors(creven) es It(em) es vurw(er)de dat de vors(creven) wille(m) de vors(creven)/ lande wael en(de) loflic wynne(n) en(de) werve(n) sall metten/ ploege en(de) mett(er) eeghde(n) gelijc sijne(n) reengenote(n) boven en(de)/ beneden en(de) desgelijx sal de selve wille(m) de vors(creven) beemde/ en(de) dlant inde lange haghe beheymen en(de) bevreden gelijc/ sijne(n) reengenote(n) gelijc vors(creven) steet noch es vurw(er)de [It(em) en sal de selve wyn]/dat de selve wyn egeen ande(re) lande dan den vors(creven) hove/ toebehoren en(de) de sijne en(de) sal mogen wynnen noch/ / es vurwerde [It(em)] oft gebuerde dat de vors(creven) wille(m) vande(n) vors(creven) goeden/ dede graven het wae(re) een half boend(er) oft iii dach(mael) dat dan/ de vors(creven) wout(er) en(de) wille(m) tgraefgelt half en(de) half betalen sulle(n)/ en(de) dat also decke alst gebueren sall Noch es vurw(er)de dat/ de vors(creven) wynne den wynt(er) aert jarlix sijnen t(er)mijn duerende/ besayen sall op iiii getidege voren en(de) dien alt(oes) albesayt/ hebben s(en)[te] denijsmisse en(de) den som(er) aert sal de selve wyn/ besayen te weten de gerste op iii getidege voren en(de) die/ evene op ii getidege voren Noch es vurw(er)de dat de/ vors(creven) wyn en(de) wout(er) tallen vi jae(re)n van malcande(re)n sullen/ mogen sceiden mer dat sal deen den ande(re)n alt(oes) een/ jaer te voren condigen It(em) noch es vurwerde dat/ de vors(creven) wyn opde vors(creven) goede egeen erweten en sall/ derven sayen het en sij dat [hij] de selve wyn wilt It(em)/ noch es vurwerde dat de vors(creven) wyn vanden vors(creven) goeden/ jarlix sijnen vors(creven) t(er)mijn due(re)nde niet min en sal mogen/ besayen dan ii boender met terwe(n) en(de) ii boend(er) met gersten/ Noch es vurwerde dat de vors(creven) wynne jarlix int vors(creven) hof/ sal moete(n) houden tusscen c en(de) iii vierdel scapen en(de) nergens/ elde(r) It(em) noch es vurwerde dat de vors(creven) wyn op sijnen/ cost jarlix des vors(creven) wout(er)s wijn te ned(er)ijssche als dien rijp/ sijn sall te loven tot sijne(n) huse leve(re)n sall en(de) desgelijx sal/ de selve wyn jarlix sijne(n) t(er)mijn due(re)nde de stake(n) des selfs wout(er)s/ op sijne(n) wijng(ar)t vue(re)n It(em) noch es vurw(er)de dat de vors(creven) wyn/ jarlix sijne(n) t(er)mijn due(re)nde leve(re)n sall xl mandelen walms/ o(m)me de huysinge mede te decken [en(de) v(er)plecke(n)] en(de) alsme(n) den selven/ walm ald(aer) v(er)dect so sal de vors(creven) wyn den leem selve leve(re)n/ en(de) halen diemen ald(aer) orbe(re)n en(de) v(er)plecken sall en(de) dan sal/ de selve wyn also la(n)ge men den selve(n) walm v(er)dect oft/ v(er)plect den werclude(n) den montcost geven en(de) wout(er) sal de/ / dachue(re)n betalen Noch es vurw(er)de so wa(n)ner tselve coren opde/ velde gebonden sijn sall dan sal t(er) stont de selve wyn van/ elken stucke des vors(creven) wout(er)s gedeelte ierstwerf int schue(re) vue(re)n/ eer hij tsijne sal mogen rue(re)n en(de) d(aer) nae tsijne ende altoes/ sal de selve wynne op sijnen cost des vors(creven) wout(er)s gedeelte/ te loeven tot sijnen huse leve(re)n It(em) want de vors(creven) wynne/ de messie vanden vors(creven) hove te sijnen aencomen albloet vynt/ so es vurwerde dat hij die oec te sijnen afsceiden also laten sal/ Noch es vurwerde dat de vors(creven) wynne jarlix sijnen t(er)mijn/ duerende de brake al o(m)me doen sall en(de) die o(m)me gedaen/ laten te sijnen afsceiden It(em) noch es vurwerde dat de vors(creven)/ wynne jarlix den vors(creven) sijnen t(er)mijn due(re)nde aen symone/ van ophem afdoen sall ii cap(uynen) eene(n) hoydach en(de) i s(celling) goetgelts/ en(de) desgelijx sall noch de selve wynne jarlix sijnen t(er)mijn/ due(re)nde betalen de terwe te leefdale It(em) noch es vurw(er)de/ alsmen de leidegrecht graven sall dan sal de selve wille(m) d(aer) af/ tgraefgelt betalen en(de) alle dese vurw(er)de(n) etc(etera) pynnoc kersmake(re)/ oct(obris) xxv