SAL8114, Act: V°93.3 (115 of 357)
Search Act
previous | next
Act V°93.3  
Act

Transcription

2019-11-29 by Pieter Soetewey
It(em) thoemaes en(de) arnt vande(n) velde gebr(ueders) hebbe(n) geloeft ongesund(er)t/
en(de) onv(er)scheide(n) en(de) elck voe(r) al goerde en(de) janne vand(er) smisse(n) gebr(ueders) oft/
den eene(n) van hen bring(er) sbriefs op lantzoene tghene dat h(ier)nae/
volght en(de) voe(r) de zoene des doots claus wile(n) vand(er) smissen/
bijde(n) vors(creven) thoemaese en(de) arnde van live ter doot brachte
te wete(n) [weten]/
inden yersten [dat] elck van hen eene(n) wech doen sal te s(en)[te] peters te/
rome en(de) d(aer) w(er)t te porre(n) bynne(n) xl d(agen) neestc(omende) en(de) soe wa(n)neer/
dat sij van dier bedew(ar)t come(n) sijn sulle(n) soe sal elck vande(n) selve(n)/
gebr(ueders) bynne(n) xl dage(n) d(aer) nae trecken in cypers en(de) soe wa(n)neer/
dat sij van daer sulle(n) come(n) [sijn] soe sal elck van hen d(aer) nae trecke(n)/
bynne(n) xl d(agen) d(aer) nae tons(er) vrouwe(n) te roestemadou en(de) van elken/
vande(n) voirs(creven) bedev(ar)den bringe(n) goede waerh(eit) nae d(er) stad recht/
en(de) d(aer) toe hue(re)n eedt ten heylige(n) doen oft d(er) voirs(creven) p(ar)tijen/
moet gecrige(n) Voirts hebbe(n) geloeft de voirs(creven) gebr(ueders) den voirs(creven)/
goerde en(de) janne oft den eene(n) van hen bring(er) sbriefs te/
setten bynne(n) den lande van hev(er)le bynne(n) xl dage(n) neestcomen(de)/
een hulten cruys ald(aer) de voirs(creven) goert en(de) jan des bege(re)n sullen dat/
geset te worden en(de) d(aer) toe impetrere(n) t(er) manisse(n) des voirs(creven) goerts/
en(de) jans tghebet van iii(½)[c] cloeste(re)n alse voe(r) de bet(er)nisse/
ende soene des doots claus wile(n) vand(er) smissen brued(er)/
des voirs(creven) goerts en(de) jans bijde(n) voirs(creven) thoemase en(de) janne/
van live ter doot gebracht velde vynck(enbosch) octobris xxvi
ContributorsInge Moris
Moderated bykristiaan magnus
Last update: 2013-03-04 by Sabrina Keyaerts