Cond zij allen lieden dat jacop van muysene(n) vleeschouwe(r) in/ jeg(enwoirdicheit) d(er) scepene(n) van loeven(en) gestae(n) heeft genome(n) en(de) bekint/ dat hij genome(n) heeft van meest(ere)n ja(n)ne nevens proefst/ des godshuys van corte(n)berghe inde(n) name en(de) van wege(n) des/ selfs godsh(uys) en(de) als met eend(er) zekerd(er) p(ro)curacie(n) des volcomelic/ gemechticht een eeussel geleg(en) inde p(ro)chie van rots(elaer) gehete(n)/ den boenhof houden(de) iii boend(er) luttel min oft meer geleg(en)/ tussche(n) de strate ald(aer) men gaet te vaken wert en(de) die/ / brugge ald(aer) en(de) ald(aer) naest den goede(n) jans vorst(er)s gelijckerwijs en(de)/ in ald(er) manie(re)n wille(m) van nuwerode tvors(creven) eeussel ald(aer) te houde(n) plach/ Te houde(n) en(de) te hebbe(n) van half meerte lest lede(n) eene(n) t(er)mijn van/ vi jae(re)n langc deen nae dand(er) sond(er) middel volgen(de) elx jaers dae(re)n/ bynne(n) te wete(n) dierste jair [daer] af om(m)e en(de) voe(r) xxxii g(ri)pe(n) te/ xl pl(a)c(ken) en(de) dand(er) vijf jae(re)n d(aer) naest volgen(de) elx jaers dae(re)n/ bynne(n) om(m)e en(de) voe(r) xxxiiii g(ri)pe(n) te xl pl(a)c(ken) gelijc vors(creven) steet/ alle jae(re) s(in)[te] m(er)tensmisse inde(n) wynt(er) te betale(n) den vors(creven) p(ro)fste/ van des vors(creven) godh(uys) wege(n) den vors(creven) t(er)mijn due(re)nde en(de) telke(n) t(er)mijn/ als v(er)volghde schout It(em) es vurwerde dat de vors(creven) jacop tvoirs(creven)/ eeussel alle jae(re) sijne(n) t(er)mijn due(re)nde wel en(de) loflic op sijne(n)/ cost sal doen om(m)e make(n) beheyme(n) en(de) bevrede(n) en(de) dat inde/ selver mate(n) te late(n) te sijne(n) afsceide(n) en(de) desgelijx de beke/ ruyme(n) gelijc also dat behoert It(em) de vors(creven) jacop en sal tvors(creven)/ eeussel bynne(n) sijn drie leste jae(re)n niet moge(n) breke(n) mer/ sal dat geheel late(n) It(em) oec en sal de vors(creven) jacop sijn jair/ schae(re)n vande(n) vors(creven) eeussel nyema(n)de moge(n) ov(er)geve(n) noch/ verhue(re)n tgodshuys en sal d(aer) af de naeste moge(n) sijn voer/ den prijs dat dat een and(er) tege(n) den vors(creven) jacoppe soude/ neme(n) It(em) voert en sall de vors(creven) jacop egeen opgaende/ hout moge(n) afhouwe(n) uutgenome(n) v(er)droeghde willige(n) die/ mach hij afhouwe(n) op also dat hij voir elke willige sett(en)/ sall ii leve(n)de pote(n) vande(n) selve(n) aerde H(ier) af sijn borge(n) des/ vors(creven) jacops als p(ri)n(cipae)[le] sculd(eren) ongesund(er)t en(de) onv(er)sceide(n) en(de) elc/ voir all jan schevel cuyp(er)e symon van thiene(n) douwe/ p(ri)m(us) rike vynckenbosch junii xxv