Acht(er)volgen(de) den comp(ro)misse tusschen diericke tackex? in deen zijde en(de) pete(re)n van ned(er)he(m) die/ sijnd(er) dochter heeft in dande(r) es d(er) vier segge(re)n uutsprake nae tgene des d(aer) af voir/ hen come(n) es dat de vors(creven) peter van ned(er)hem en(de) sijn wijf ter stont ov(er)hebben sal de/ twe huyse des vors(creven) dierix liggen(de) inde hoelstrate en(de) die bruyken besigen tot sijne(n)/ vrijen wille alsoe lange als de vors(creven) dierick sijn sweer leeft en(de) de tsijse en(de) laste/ daer af jaerlijx betalen en(de) de vors(creven) dieric sal peyslijc tot sijnder tocht besette/ besitten dat (½) boend(er) lants gelegen aende p(er)cporte neve(n) de goede lijsbette(n) beyers/ sond(er) den vors(creven) pete(re)n daer inne alsoe lange als de vors(creven) dierick inne [leeft] gericht te/ wesen behoudelijc dat de selve dierick de tsise daer uut gaende te(n) gewoenliken/ tijden te betalen sal altoes [en(de)] oft den vors(creven) diericken geliefde(n) wed(er)om bij sijne(n) [vors(creven)] sone/ en(de) sijnd(er) docht(er) te comen dat hij dat sal moegen doen en(de) der vors(creven) huysen/ gelijc den vors(creven) pete(re)n gebruyken op dat hij de have die hij van daer gedragen/ heeft getaxeert op dat hij de have xxx clinckarts wed(er) inde(n) selve(n) huysen bringen/ ende dieme(n)t? sal de vors(creven) peter met [mede] mogen gebruyken en(de) trecken alsdan/ gelijc den vors(creven) diericke sijne(n) sweer allet gebruyck en(de) tp(ro)fijt d(er) vors(creven) twee/ erve(n) alsoe wael des lants en(de) der huysen en(de) de have die de vors(creven) peter/ nu heeft sal hij tewegen dagen behouden en(de) oic nae de doet des vors(creven) dierix/ sijns sweers van sijnd(er) haven hebben de vors(creven) xxx clincquarde en(de) dan/ nae de doet des vors(creven) dierix sullen den vors(creven) pete(re)n na inhebben d(er)/ waerh(eit) opde vors(creven) huelike voerw(er)de verhoirt met met sijne(n) wijve volgen/ erflijc de vors(creven) twe huyse en(de) (½) boend(er) lants sond(er) yemants weder/ seggen met sulker cond(icien) ofts de vors(creven) dierick der vors(creven) sijnd(er) have(n)/ alsoe geschat noetlijc behoefde dat hij die alsdan verteren soude/ moegen m(er) and(er)s niet mynde(re)n cor(am) voshem dor(mae)[le] januar(ii) xxviii[a]