It(em) alse vanden stoete die henrick van tolmair in deen zijde ende reyne(re) vanden hove in dande(re)/ jegen malcande(re)n uustaen(de) hadden van alrehanden geschillen ende besundert omme der bewisenisse/ wille van alsulken goeden die de voirs(creven) henrick als momboe(r) des voirs(creven) reyners wijf t(er) wilen/ dat sij o(m)mundich was gehanteert ende geregeert heeft Soe sijn de voirs(creven) p(ar)tijen bij goetduncken en(de)/ raide van hue(re)r beyder vrienden verenich ende geaccodeert ind(er) manie(re)n h(ier) nae volgen(de) Te/ weten dat de voirs(creven) henrick den voirs(creven) reyne(re)n vernuegen sal van lx gripen te weten de/ xx d(aer) af gripen d(aer) af te s(in)[te] jans misse naestcomende xx gripen d(aer) af te s(in)[te] m(er)tens misse d(aer)/ naest volgende ende xx gripen te kersmisse d(aer) naestvolgen(de) [en(de) telken t(er)mijn als v(er)volgde schout] ende desgelijx so sal de/ noch de selve henrick den d voirs(creven) reyne(re) of yemant anders d(aer) hem lief toe is tot/ sijnre manissen goeden en(de) erven in een huys en(de) hof geleg(en) op de keyberch also verre/ als hij(er) d(aer) inne gericht is en(de) desgelijx in eene(n) stucke beempts geleg(en) te moutbrouck/ naest den goeden gheerts vande(n) vive(re) en(de) op cost des selfs reyners Mids den/ welken de selve reyne(r) den voirs(creven) henr(icke) wed(er) kee(re)n sal alle alsulke haeflike goede/ die hij uut crachte van sijne(n) beleyde d(aer) mede hij tot des voirs(creven) henr(ix) goede geleydt/ is ond(er) ende aenvert heeft uutgenomen een calf dwelck de selve reyne(r) d(aer) af behoude(n)/ sal Ende daer voe(r) so sal deselve reyne(r) ongehoude(n) sijn van alle(n) costen beyde van/ vroentcoste en(de) ande(re)n coste(n) dat tvors(creven) beleydt gecost heeft en(de) oft also gebuerde/ dat de voirs(creven) reyne(r) vervolght wa(r)e va(n) e(n)nige vande(n) voirs(creven) coste(n) en(de) de selve/ henrick hem selve(n) aenden vroentene(re) ald(aer) hij nu ten versueke des selfs reyners/ reyners gehoude(n) sijdt en(de) elswair gehoude(n) heeft geweest niet en loste so soude/ d(aer) om de selve reyne(r) sijn voirs(creven) beleydt ond(er)houde(n) o(m)me hem d(aer) mede te behulpe(n)/ ende de voirs(creven) coste aen des voirs(creven) henr(ix) goede te verreyken voirtaen so soude/ deselve reyne(r) den voirs(creven) henr(icke) van toll tolmair en(de) peteren sijne(n) brueder/ co(m)merloes en(de) scadeloes onteffen aen joffr(ouwen) kath(lijnen) hughen van xxviii halste(re)n rox/ d(er) maten van loeven(e) inde(n) welken sij te weten elc van hen beyden ter voirs(creven) jon/ jouffr(ouwen) w(er)t [jarlijx] gehoude(n) sijn gelt gelijc de scepenen brieve(n) van lov(en) d(aer) op gemaect/ volcomelijc begripen Ende voirtaen so soude de selve reyne(r) den voirs(creven) gebrue/ gebruede(re)n met alsulken beleyde d(aer) mede hij geleyt is na d(er) stad recht van lov(en)/ tot alle(n) den goede(n) ydens van tolmair sijnre zwegerynnen neghen(en) hynder sijn/ mar mette(n) selve(n) beleide hen allet behulp doen totter lossingen van xiiii/ halste(re)n rox d(er) voirs(creven) mette(n) selve(n) beleyde hen allet behulp doen maten die de/ voirs(creven) jouffr(ouwe) jairlijx hue(re) leefdaghe lang due(re)nde aen de voirs(creven) gebruede(re)n/ geldende es heeft so schie(re) dat de selve gebruede(re) met rechte op de goede der/ selver yde jouffr(ouwen) yden o(m)me hen d(aer) af gelost te worden hen pijne(n) vorts te va(r)en/ Ende hie(re)n boven so souden de selve p(ar)tije(n) malcande(re)n van alle(n) sake(n) en(de) stucke(n)/ die sij tot op den dach van hede(n) uutstaende moge(n) hebben volcomelijck voe(r)/ scepen(en) van lov(en) quijtscelde(n) Welck bescheyt en(de) clarnissen vande(n) goede(n)
//
mans die ov(er) de voirs(creven) yffeninge(n) geropen wa(r)en bijden borg(er)meeste(re)n ende/ so(m)mige(n) vande(n) h(ere)n vande(n) raede yerst aengehoirt ende vercleert sijnde/ hebben de voirs(creven) p(ar) h(ere)n d(aer) op get(er)mineert dat de voirs(creven) henrick en(de) reyne(r)/ malcande(re)n voldoen en(de) volve(re)n sulle(n) de voirs(creven) poente(n) gelijc sij bove(n) gespeci/ ficeert en(de) verclaert staen cor(am) abs(oloens) vyncke(n)bosch borg(imagistris) et plu(ri)b[(us)] aliis aprilis/ xxvii et lectu(m) est cor(am) a(m)bob[(us)] burg(imagistris)