Vander aensprake(n) die h(er) claes van s(in)[te] goerix meye(r) te loeven gedaen/ heeft tot janne vanden bulke s(in)[te] pet(er)s ma(n) van loeven in deen dat/ de selve jan den scouth(eit) van lye(r) als hijte(m) vange(n) woude bij cale(n)ge(re)n/ van eene(n) lange messe quade woirde gaf seggen(de) ic schite in u/ calenge(re)n hebbe(n) de he(re)n s(in)[te] pet(er)s ma(n)ne van loeven(e) t(er) manissen des/ voirs(creven) meyers gewijst voe(r) een vo(n)nisse dat hij doen so nae aensp(ra)ke/ verantw(er)den en(de) thonisse van beyden p(ar)tije(n) dat de selve jan vande(n)/ bulke doen sal t(er) bet(er)nissen onse(n) gened(igen) he(re)n een bev(ar)t te rome(n)/ d(aer)w(er)t te porre(n) bynnen xl dagen en(de) goede waerh(eit) daer af te/ bringen nae der stad recht oft des meyers moet te hebben/ cor(am) lye(mingh)[en] lomb(ar)t wenxele borchove(n) julii xx[a]