It(em) tvonnisse tusschen reyne(re)n vande(n) hove die ov(er)midts vonnissen van seke(re)n/ scepen(en) brieve(n) van loven(e) come(n) ende geleit es tot allen den goeden have ende/ erve reyners wijlen de pape ende ijdens sijns wijfs in deen zijde ende woute(re)n/ den becke(re) gehete(n) de mu(n)tre in dande(re) alse vande(n) vijfste(n) gedeelte van iiii mudde(n)/ rox d(er) maten van loven(e) eerfs pachts die de voirs(creven) wout(er) als mo(m)boir marie(n)/ sijns wijfs suste(r) des voirs(creven) wijlen reyners naturleke kijnde(re) he(n)rix wijle(n) de/ pape nae in houde(n) zeeke(re)n scepen(en) brieve(n) van loven(e) die de voirs(creven) wout(er) inde(n)/ rechte dede lesen begrijpen(de) ond(er) [de(n)] ande(re)n zeeke(re) co(n)dicie(n) ende vurwerde(n) hoe ende/ in wat manie(re)n nae de doet d(er) naturliken kijnde(re)n des voirs(creven) wijlen henrix/ alsulken erf pacht als sij bijnne(n) hue(re)n leven(e) besitten(de) ware(n) sculdich es te/ volgen(e) mids den selve(n) eysschen(de) was Ende want de voirs(creven) wijlen reyne(r)/ de pape des voirs(creven) wout(er)s zwagers also aflivich worde(n) was sond(er) enige wet/ tige geboirte van hem acht(er) te laten(e) dwelc hij boet te thone(n) So hoepte de/ selve wout(er) dat hem inde(n) voirs(creven) erfpachte sijns voirs(creven) wijfs kins kijngedeelte/ na inhoude(n) der voirs(creven) brieve(n) volge(n) sal Op dwelc de voirs(creven) reyne(r) vande(n) hove/ alligerde seggen(de) ond(er) den ande(re)n dat hem dien scepen(en) brief aen sijne(n) beleide/ in gehelen stoele bekijnt sijnde egheen ontstade doen en sal aengesien dat hij/ voir de(n) selve(n) wijlen reyne(re)n aen alrehande(n) p(er)sone(n) als sijn borge eene groete/ so(m)me gelts heeft moete(n) v(er)legge(n) ende betalen D(aer) af hij al noch tot hiertoe egeen/ restitucie en heeft gehad m(air) des niet te mijn eve(n) verre dat hem des voirs(creven)/ reyners wijf die noch leven(de) es de welke nae de(n) lantrechte tochtersse vande(n)/ voirs(creven) erfs pachte sijn soude de selve tocht volge(n) mochte hij waers te vrede(n)/ Nochta(n) so hadde de selve reyne(r) van sijns voirs(creven) wijfs goede wael viii c/ rijders verceo v(er)cocht met meer worde(n) ende wed(er)worde(n) luttel ofs niet/ tot sijne(n) rechte dienen(de) d(aer) toe opdoende Was gewijst met desen worde(n)/ nae aensp(ra)ke en(de) v(er)antw(er)de(n) in beide(n) p(ar)tide(n) dat alsulke aensprake als/ de voirs(creven) reyne(r) vande(n) hove gedaen heeft dat hem die ende sijne(n) beleide/ geen scade doen en sal noch de(n) voirs(creven) woute(re)n aen sijns wijfs kij(n)sgedeelte/ ontstade P(rese)nt(ibus) o(m)nib(us) scabinis de(m)pto abs(oloens) febr(uarii) xiii