It(em) arnt vand(er) lanen heeft geloeft pet(ere)n vand(er) braken rentm(eeste)r vrouwe/ johannen van weesemale vrouwe vand(er) rivie(re)n janne calab(er) en(de)/ eene(n) iegeliken van hen no(m)m(er)meer enige scoutbrieve te beke(n)ne(n)ne/ en(de) beleide d(aer) uut te makene het wae(re) te loven(en) oft te bruesselle/ die hind(er)lic sijn mochte(n) d(er) betalinge(n) en(de) payen die de selve arnt/ sculdich es vande(n) bossche te weesemale oft sculdich sijn sal van/ zeke(re)n t(er)mijne(n) die noch ongevallen staen M(air) oft hij e(m)mer sijn goede/ woude doen beleide(n) so sal hij d(aer) toe doen leiden ja(n)ne en(de) henr(icke) va(n)d(er)/ lanen sijn brued(ere)n Welke jan en(de) henric in gevalle oft sij geleit worde(n)/ hebbe(n) toegeseet mette(n) selve(n) beleide tege(n) de vors(creven) schout no(m)m(er)meer/ hind(er) te doene cor(am) eisd(em)