It(em) tvors(creven) beleit sal blijven liggen(de) ond(er) scepen(en) van loven(en) tott(er) tijt toe dat de/ vors(creven) jan de cuyp(er)e die met janne van hev(er)le arnde willems geloeft heeft te be/ talen tusschen dit en(de) xiii messe naest comen(de) xii guld(en) riders den selven arnde/ de selve scout v(er)nueght en(de) betaelt sal hebben en(de) oft de selve jan en(de) jan den/ selve(n) arnde de vors(creven) schout ten vors(creven) t(er)mijne niet en betaelde so mach dan de/ selve lod(ewijck) mette(n) selve(n) beleyde vanden vors(creven) goeden des vors(creven) jans de cuyp(er)e/ alsoe vele goets v(er)copen als de vors(creven) schout gedraegt mette(n) coste en(de) co(m)mere/ die d(aer) om int vervolge(n) vand(er) vors(creven) schout gedaen sal sijn o(m)me den vors(creven)/ arnde willems d(aer) af betalinghe te gecrygen en(de) janne van hev(er)le die met/ des vors(creven) jans vor de vors(creven) schout borge bleve(n) es te lossen en(de) onthaven te/ sijne en(de) dat gedaen so sullen dan de vors(creven) brieve beyde scoutbrief en(de)/ beleitbrief den vors(creven) janne tot sijnd(er) manissen wederworden cor(am) ov(er)wynge/ lynthr(is) iunior nove(m)bris xviii