Item tvonnisse tusschen ph(ilips)e vande(n) wijngaerde in deen zijde ende/ janne van schonenb(er)ghe glaesmake(r) in dand(er) Alse van ond(er)halve(n)/ gul(den) rijders d(er) mu(n)te(n) ons gened(ichs) he(re)n erflike rente(n) die henrick de/ verme(re) met seke(re)n scepen(en) brieve(n) van loven(en) die inde(n) rechte/ gelesen wae(re)n op een huys alsoet gelege(n) is inde dorpstrate neve(n)/ den valke toebehoe(re)nde den vors(creven) ph(ilips)e houdende is En(de) want de vors(creven)/ ph(ilip)s tvors(creven) huys tege(n) den vors(creven) janne ghecocht heeft en(de) hij bevint/ den vors(creven) ond(er)halve(n) gul(den) rijd(er) bove(n) tgene dat hem dat bijden vors(creven)/ janne gewarend(er)t is uutgaende Soe heeft de selve ph(ilip)s den vors(creven)/ janne d(aer) voir ane gesproke(n) begheren(de) nae thonisse dat hij d(aer)/ aff bijleide dat hom de selve jan aende(n) vors(creven) henricke de vors(creven)/ ond(er)halve(n) gul(den) rijd(er) aff doen sal Alsoe dat de he(re)n scepen(en) van/ loven(en) t(er) manissen smeyers nae dien dat de selve jan tot/ / sijnen verantw(er)den ten dage hem d(aer) toe betekent sijnde niet/ en quam gewijst hebben voir een vonnisse dat de vors(creven) jan/ gehouden sijn sal den vors(creven) ph(ilip)s aenden vors(creven) henricke de/ verme(re) aff te doene de(n) vors(creven) onderhalve(n) guldene(n) rijder nae/ de gelufte vand(er) waerscap die hij geloeft heeft Cor(am) eisd(em)/