Vande(n) huyse va(n) s(en)[te] berbele(n) te lov(en)/ Item ten besorghe des goidshuys van sente berbele(n) es gesloten biden burg(er)meest(ere)n/ en(de) h(ere)n vanden rade ten bijwesene h(ere)n jans ve(re)nack(ere) plebaen d(er) kerke(n) van s(en)[te]/ peet(er)s jans van nethene(n) en(de) claes de custe(re) mombore(n) des goidshuys vorscr(even) Inden/

iersten want de rente des goidshuys behoudelike(n) huer mynde(re)n en(de) meerd(ere)n inden/ poente(n) h(ier) ond(er) bescr(even) Inden iersten want de rente des goidshuys den last vande(n)/ getale d(er) p(er)soene(n) als nu d(air) sijnde met d(er) r(e)p(ar)acie(n) d(er) gestichte(n) niet v(er)stringen en/ conne(n) datme(n) tgetal d(er) p(er)soene(n) als nu dair sijnde sal late(n) v(er)sterve(n) tot opt/ getal van ix p(er)soenen met eenre marte(n) d(air) toe gedragen(de) tsame(n) totten/ getale van x aengesien dat dat van outs alsoe gestae(n) heeft/ Item datmen bezundert de oeghe hebbe(n) sal opde gheene dieme(n) inden/ vors(creven) goidshuyse neme(n) sal wegen(de) de eerbarh(eit) en(de) behoefte van dien/ te wetene van weduwe(n) oft meeghde(n) ov(er) haer xl jair sijnde vanden/ ingeseten(en) d(er) stad van loven(en) die blame van egeend(er) diff(er)amacie(n) van/ oppenbare(n) fayte(n) en hebben te wetene van ov(er)spele diefte en(de) dier/ gelike oft die alsulc wae(re) van crancheide van synne(n) oft oec letsele(n)/ van leden dat ande(re) zust(ere)n d(air) mede gelast mochten sijn Item dat inden/ selve(n) goidshuyse negheen mansp(er)soene(n) wone(n) nocht v(er)nechte(n) en sal Ite(m) dat/ negheen p(er)soene(n) inde(n) vors(creven) goidshuyse wonen en sulle(n) moge(n) dan de/ ghene die de p(ro)ve(n)de heffen(de) sijn het en wae(re) bij consente des p(ro)chiaens/ en(de) d(er) mombore(n) It(em) datme(n) negheen vande(n) zust(ere)n uutgenome(n) d(er) meest(er)ssen/ die meestersse sterft en(de) die vande(n) schilde gebore(n) sijn gegrave(n) en sal/ moge(n) worden inden coer des goidshuys vors(creven) Het en wae(re) dat die/ die alsoe inde(n) coer begeerde huer sepultue(re) te hebbe(n) acht(er) liete/ goede weert sijnde xii g(ri)pe(n) te xl pl(a)c(ken) en(de) d(air) aff soude hebbe(n)/ de p(ro)chiaen i guld(en) te x stuv(er)s voir sijn recht It(em) dat alle de/ goede beide have en(de) erve toebehoren(de) den p(er)soene(n) inde(n) vors(creven) goidshuyse/ nu t(er) tijt sijnde en(de) oec die aengenome(n) sulle(n) worde(n) die sij opde(n) dach/ van hue(re)n aenneme(n) besitten(de) oft hebben(de) sijn oft inde(n) goidshuyse sijnde v(er)crige(n)/ sulle(n) geheel en(de) all t(er) eedt des p(er)soens dieme(n) aenneme(n) sall inbracht/ sulle(n) worde(n) om den goidshuyse nae de doot van die(n) p(er)soen die goede/ te bliven Ende vand(er) have(n) salme(n) in hue(re)n aencomen(en) eene(n) inve(n)tarijs/ make(n) om die bij hem negeenssins gemi(n)dert te worden(e) met v(er)cope(n)/ / oft and(er)ssins het en wae(re) tot hue(re)r notelik(er) teri(n)ge(n) oft behoefte(n) welke/ behoeft sij ierst bij bri(n)ge(n) en(de) thoene(n) sulle(n) bide(n) burg(er)meest(ere)n en(de) den/ rade vand(er) stad metgad(er)s bide(n) vors(creven) plebae(n) d(er) kerke(n) va(n) s(in)[te] peet(er)s/ april(is) ult(ima) a(nn)[o] xlvi