SAL8117, Akte: V°73.1 (96 van 310)
Akte V°73.1
Act
Datum: 1445-10-16
Transcriptie
2022-05-18 door Jos JonckheerVanden gedinge dat voe(r) meye(re) en(de) scep(enen) van lov(en) inde banc ald(aer) opv(er)staen is/
tusschen lynart lynarts die nad(er) stad recht van lov(en) gel(eit) is tot allen den/
goed(en) have en(de) erve willems van oetskerke in deen zijde en(de) den selven/
wille(m)me in dand(ere) Alse van xxxvi mudden core(n)s gehete(n) de spier en(de)/
xxxvi mudde(n) evene(n) d(er) mate(n) van nyvele en(de) xl mottone(n) inden/
welken de vors(creven) willem alse van verlopens pachts van twee jaren/
van seke(re)n goeden die de selve wille(m) vand(er) cap(it)len va(n) nyvele/
diens co(m)missar(is) en(de) procureerder de selve lynart nu jegewordichlic/
is in gebreke is gelijc seke(re) brieve vande(n) hove van tubeke vand(er)/
vors(creven) pachtingen d(aer) af gemaect volcomelic uutwisen en(de) beg(ri)pen/
getaxeert tcoren int jair voirleden [in placken] dmudde d(aer) af op eene(n) gul(den)/
saluyt en(de) dmudde vand(er) evene(n) op ene(n) gul(den) peter en(de) in/
tjegewordich jair dmudde vande(n) core(n) op xx stuv(er)s en(de) deven(en) op/
xvii st(uvers) voe(r) welke gebreke en(de) oec voe(r) den coste va(n)den beleyde/
en(de) ande(re)n costen die dair op gegaen sijn de vors(creven) lynart de vors(creven)/
goede met sijne(n) beleyde aensprack v(er)sueken(de) datme(n) hem en(de)/
sijne(n) beleyde die dede volghen o(m)me de vors(creven) twee jairpachte mette(n)/
costen daer aen te verhalen Daer op de vors(creven) willem dede/
allige(re)n seggende dat de vors(creven) lynart met sijne(n) beleyde d(aer)/
aen verdoelt wae(re) aengesien datme(n) na inhoude(n) vande(n) br(ieve)/
vande(n) vors(creven) hove tyerst voe(r) geleyt [tgebreck] van betalinge sculd(ich) is/
op de vruchte(n) en(de) goeden d(er) vors(creven) cap(it)l(e)n vorts te va(r)en en(de) sijn/
de vors(creven) goede voe(r) tvors(creven) gebreck niet goet genoech soe/
salme(n) dat verreyke(n) opdes vors(creven) willems goede en(de) and(er)s/
niet En(de) oec seyde de vors(creven) will(em) dat hij luttel oft niet/
gerekent zijnde tgene dat hij opde vors(creven) jaerscare(n) bet(aelt) heeft/
ingebr(eke) sijn soude nae de bewijsenisse dat hij d(aer) af boet van welke(n)/
poente(n) hij hem thonisse v(er)mat met meer worde(n) die hij dede opdoe(n)/
en(de) allige(re)n En(de) wa(n)t de vors(creven) wille(m) te sijne(n) thoendage sijns thoens niet/
geheelijc gelijc hij hem dat v(er)mete(n) hadde en volqua(m) Soe hebben de h(ere)n/
dscep(enen) va(n) lov(en) ter manisse(n) smeyers gewijst voir een vo(n)nisse nae aensprake/
andwerde en(de) thonisse dat me(n) de(n) vors(creven) lynarde houden sal in sijne(n) beleyde/
en(de) hem de vors(creven) goede volge(n) zullen tott(er) tijt toe dat willem vors(creven) hem/
betalinge gedaen sal hebben oft bewijsenisse van betalinge(n) mette(n) coste en(de)/
commer dair op gegaen mette(n) rechte cor(am) lomb(ar)t abs(oloens) wijtfliet cap(elle)[ma(n)]/
vynck voshe(m) oct(obris) xvi
Nagekeken door: Inge Moris
Moderator: Greet Stevens
Laatste update:: 2014-05-22 door Jos Jonckheer