It(em) henric reers wonen(de) te libbeke in jeg(ewoirdicheit) d(er) scepen(en) van loven(en)/ gestaen heeft v(er)huert en(de) bekint dat hij v(er)huert heeft henr(icke)/ vissenaex van bout(er)shem [en(de) ja(n) va(n)d(er) beke(n)] een panhuys met [mette(n) huysen hoven] gelegen te libb inde/ p(ro)chie van libbeke t(er) plaetsen geheten te wervelt opde heide en(de)/ mette(n) vaten cuypen ketelen en(de) met allen den and(ere)n instrume(n)te totten/ vors(creven) bruwe a(m)bachte behoren(de) Te houden en(de) te hebben van s(in)[te]/ m(er)tensmisse lest leden eene(n) t(er)mijn van drie jaren langc dueren(de)/ deen nae dand(er) sond(er) middel volgen(de) Elx jaers dae(re)n bynnen vore/ en(de) o(m)me viii g(ri)pen te weten xl pl(a)c(ken) voir elc g(ri)pe gerekent/ / alle jare viii daghe nae s(in)[te] m(er)tensmisse inden wynter te betalen den/ vors(creven) henr(icke) [reers] den vors(creven) t(er)mijn due(re)nde en(de) telken t(er)mijne als v(er)volghde/ schout Ende want de vors(creven) henric reers alnoch in gebreke is vanden/ t(er)mijne van [de(n) viii dage(n) nae] s(in)[te] m(er)tensmisse lest leden van [ind(er) so(m)me(n) va(n)] vii gul(den) te x stuv(er)s den/ gul(den) gerekent so heeft de vors(creven) henric vissenaex den vors(creven) henr(icke)/ reers die geloeft te bet(alen) en(de) te gevene tusscen dit en(de) viii dagen/ nae s(in)[te] m(er)tensmisse naestcomen(de) als v(er)volghde schout It(em) es vurwerde/ dat de vors(creven) henric reers [reers] tvors(creven) panhuys den vors(creven) t(er)mijn due(re)nde op/ sijnen cost [wael en(de) loflic] houden sal van wande en(de) van dake wat(er)vast en(de) desgelijx/ de ketele(n) en(de) cuypen oec op sijnen cost It(em) sal de vors(creven) henric reers/ den vors(creven) henr(icke) vissenaex tusscen dit en(de) viii dage nae s(in)[te] m(er)tensmisse/ neestcomen(de) leve(re)n xii x aemvate wael gebonden en(de) wat(er)vast/ de welke de vors(creven) henric vissenaex [met gad(er)s de(n) vors(creven) cuype(n) ketele(n) en(de) bruvate(n) brucuype(n)] den vors(creven) henr(icke) reers wed(er)om/ leve(re)n sal ten afsceiden van sine(n) t(er)mijne Ende des e Ende alle/ dese vorwerden en(de) (con)dicie(n) vors(creven) hebben geloeft de vors(creven) henric reers/ in deen zijde en(de) henric vissenaex in dande(re) malc(anderen) vast en(de) gestedich/ te houdene en(de) te voldoene (et)c(etera) Ende des es [sijn] borghe(n) des vors(creven) henr(ix)/ vissenaex als principael sculde(re)n indivisim jan vand(er) beken sone/ wilen everaerts wonen(de) te libbeke p(ri)m[(us)] en(de) vrancke alboems/ van bout(er)shem et p(ri)m[(us)] eisd(em)/