It(em) henric mynnemoe(n) wonen(de) te ned(er)ijssche in jeg(enwerdicheit) d(er) scepen(en) van loven(en) gest(aen)/ heeft uutgegeve(n) en(de) bekint dat hij uutgegeve(n) heeft janne van langendonc/ wonen(de) te wackersele en(de) heilwige(n) thijs thof des selfs henrix gelegen te/ nederijssche mette(n) wynnen(de) landen d(aer) toe behoren(de) en(de) mette(n) beemden en(de) bog(ar)de(n)/ h(ier) nae bescr(even) Te wete(n) inde(n) ierste(n) den tiegelbeemt een boend(er) beempts/ gelege(n) aende(n) bog(ar)t int gemeyne een beemdeke(n) gehete(n) den cambeempt/ gelege(n) neve(n) dwat(er)ke(n) des selfs henrix Ite(m) den meeste(n) bog(ar)t gelege(n) tussce(n)/ tvoirs(creven) wat(er) en(de) thof des des vors(creven) henrix It(em) iii(½) dach(mael) beempts gelege(n)/ te ned(er)ijssche neve(n) d(er) kerke(n) beempt van ned(er)ijssche en(de) de beemde/ vand(er) mee(re)n It(em) i boend(er) beempts en(de) noch (½) boend(er) beempts gelege(n) te/ bog(ar)de comen(de) opde cleine lane It(em) noch i(½) dach(mael) beempts comen(de) opde/ leidegrecht gehete(n) den coutheveel It(em) noch (½) boend(er) beempts comen(de)/ opde vors(creven) leidegrecht It(em) noch i(½) dach(mael) beempts gelege(n) aent langat/ Te houde(n) te hebbe(n) en(de) te winne(n) van half meye lest lede(n) eene(n) t(er)mijn/ van sesse jae(re)n langc due(re)nde deen nae dand(er) sond(er) middel volgende/ Elx jaers dae(re)n binne(n) te weten de vors(creven) winnen(de) lande voe(r) en(de) o(m)me/ de helcht vande(n) vruchte(n) en(de) coerne opde vors(creven) goede jarlix wassende/ En(de) de vors(creven) beemde en(de) bog(ar)de alle jare vore en(de) o(m)me xx gulde(n)/ schilde d(er) mu(n)te(n) ons gened(ichs) h(ere)n tsh(er)toge(n) va(n) bourg(oign)[ne(n)] en(de) va(n) brabant/ te wete(n) xiiii stuv(er)s voir elke(n) vors(creven) schilt gereke(n)t alle jae(re) te/ kersmisse te bet(alen) de(n) vors(creven) henr(icken) de(n) vors(creven) t(er)mijn due(re)nde q(u)[o](libet) ass(ecutu)[m]/ It(em) sal de vors(creven) winne de vors(creven) goede de(n) vors(creven) t(er)mijn due(re)nde wael en(de)/ loflic winne(n) en(de) werve(n) gelijc regenoete(n) bove(n) en(de) benede(n) Sal oec/ de vors(creven) winne de vruchte(n) opde vors(creven) goede jarlix wassen(de) also wale/ dappele als dande(re) vruchte(n) so wa(n)neer die rijp en(de) tijtverdich sijn sulle(n)/ afdoen en(de) die t(er) eerde(n) leve(re)n en(de) des vors(creven) henrix gedeelte inde schue(re)/ vue(re)n eer hij tsine sal moge(n) rue(re)n sond(er) des vors(creven) henrix cost Ite(m) sal/ de selve winne de(n) vors(creven) sine(n) t(er)mijn due(re)nde dwint(er)core(n) besaye(n) op/ iiii getidege vore(n) die gherste op iii die evene op ii en(de) die erwete(n)/ op drie getige vore(n) en(de) te(n) afsceide(n) va(n) sine(n) t(er)mijne vande(n) vors(creven) goede/ besayt late(n) Te wete(n) ix dach(mael) lants met gerste(n) (½) boend(er) met erwete(n)/ en(de) alle dand(er) lande met goed(er) evene(n) besayt It(em) sal oec de vors(creven)/ winne jarlix sine(n) t(er)mijn due(re)nde dmest vand(er) messie(n) en(de) stalle va(n) de(n) vors(creven)
//
goede(n) vierwerve(n) sal doen uutvue(re)n opde vors(creven) lande Te weten dierste/ d(aer) aff s(en)[te] jansmisse en(de) ond(er) geerijt dand(er) te bamisse en(de) tcore(n) d(aer) inne/ besayt derde te kersmisse en(de) dleste te halfm(er)the dat d(aer) nae volge(n) sall/ en(de) ond(er) geerijt en(de) alsoe voerts van jae(re) te jae(re) de(n) vors(creven) t(er)mijn due(re)nde/ It(em) sal de vors(creven) winne binne(n) sine(n) leste(n) jae(re) te halfm(er)the alle de vors(creven)/ goede wael en(de) loflic beheymdt en(de) bevreet sal late(n) t(er) goede(n) ma(n)ne(n)/ prijse Ite(m) sal oec de vors(creven) winne opde vors(creven) goede also vele luex/ moge(n) houden als hij behoeve(n) sall o(m)me de vors(creven) goede mede te v(er)make(n)/ en(de) te bevreeden en(de) niet meer sal oec [te(n) sal] de vors(creven) winne [henrix] jarlix tot/ sine(n) v(er)doene vore uut hebbe(n) den perre staende inde messie voir/ swynne(n) came(re) vinste(re) sond(er) den selve(n) winne d(aer) inne iet gericht te/ sine En(de) d(aer) tege(n) sal hebbe(n) de vors(creven) winne [tot] sine(n) v(er)doene den p(er)rele(re)/ kriekele(re) en(de) pruymelee(re)n staen(de) acht(er) dwinhuys en(de) schue(re) sond(er) den vors(creven)/ henr(icken) d(aer) inne gericht te wesen Ite(m) sal de vors(creven) winne de vors(creven) beemde/ wat(er)leide(n) strate(n) en(de) weghe ruyme(n) en(de) make(n) so wa(n)neer sij des behoeve(n)/ sulle(n) oft so wa(n)neer de hee(re) dat gebiede(n) sall en(de) desgelijx de scaveye(n)/ heffen en(de) make(n) sond(er) cost oft last des vors(creven) henrix Ite(m) sal de vors(creven) wi(n)ne/ jarlix sine(n) t(er)mijn due(re)nde leve(re)n xl mandele(n) walms o(m)me de/ huysinghe vande(n) vors(creven) goede(n) d(aer) mede te v(er)make(n) En(de) so wa(n)neer men/ dien ald(aer) v(er)plecken sall oft v(er)decken d(aer) af [sal] de vors(creven) henr(ic) de(n) werclude(n)/ huer dachue(re)n bet(alen) en(de) de vors(creven) winne sal den werclude(n) den moncost/ geve(n) Ite(m) sal de vors(creven) winne alle de wande dore(n) en(de) vinst(ere)n houde(n)/ vande(n) vors(creven) goede(n) houde(n) naghel vast de(n) vors(creven) sine(n) t(er)mijn due(re)nde/ op sine(n) cost en(de) die alsoe late(n) ten sine(n) afsceiden Noch sal de vors(creven)/ winne den vors(creven) henr(icken) houde(n) moete(n) hale(n) met sine(n) wagen en(de) p(er)de/ allen den leem tiegelen calc stene savel hout walm desme(n) aende(n)/ vors(creven) huysinge die nu t(er) tijt opde vors(creven) goede staen behoeve(n) sal/ opdat den selve(n) henr(icken) aende selve iet wilt doen make(n) t(er) plaetse(n)/ d(aer) de selve henr(ic) hem dat noeme(n) sall en(de) sond(er) cost des selfs/ henr(ix) It(em) sal de vors(creven) winne op sine(n) cost den vors(creven) henr(icken)/ jarlix den t(er)mijn due(re)nde moete(n) halen sijn berri(n)ge die hij binne(n)/ sine(n) huyse behoeve(n) sall opde halve mile o(m)megaens ned(er)ijssche Ite(m)/ sal noch de vors(creven) wynne op sine(n) cost den vors(creven) henr(icken) jarlix
//
moete(n) hale(n) winne(n) een hoefke(n) houden(de) omtre(n)t lx roede(n) tot wat/ vruchte(n) den vors(creven) henr(icken) dat gelieve(n) sal en(de) op sijn getidege vore(n) sond(er)/ den selve(n) winne d(aer) af iet te hebbe(n) en(de) des d(aer) op wasse(n) sal sal de selve/ winne de(n) selve(n) henr(icken) tot sine(n) huyse leve(re)n Es oec vurw(er)de so wes den/ vors(creven) henr(icken) va(n) sine(n) gedeelte va(n) sine(n) vors(creven) coerne ov(er)blijft dat sal/ de vors(creven) winne de(n) selve(n) henr(icken) te loven leve(re)n t(er) plaetse(n) d(aer) hem dat gelieve(n)/ sall en(de) op cost des selfs winne(n) Ite(m) sal de vors(creven) winne de(n) vors(creven) henr(icken)/ thoy va(n) sine(n) ande(re)n beemde(n) h(ier) inne niet genoempt gelege(n) tussce(n) den/ vors(creven) hove de dile en(de) de lane en(de) d(aer) omtre(n)t so wa(n)neer dat/ volwonne(n) sal sijn binne(n) de(n) vors(creven) hove leve(re)n Ite(m) sal de vors(creven) winne/ gehoude(n) sijn den vors(creven) henr(icken) op sine(n) wijng(ar)t gelege(n) bide(n) vors(creven) hove/ te vue(re)n dmest en(de) de staken d(aer) de vors(creven) henr(ic) dat coepe(n) sall/ en(de) den wijn vanden selve(n) wijng(ar)de comen(de) t(er) perssen en(de) vandair wed(er)/ ten huyse des vors(creven) henrix leve(re)n It(em) noch sal de vors(creven) winne den/ vors(creven) henr(icken) jarlix vue(re)n op sine(n) wijng(ar)t te loven(en) ii[m] staken en(de) al/ op cost des vors(creven) winne(n) Noch sal de selve winne de(n) vors(creven) henr(icken)/ jarlix herde(n) iii verkene mette(n) sine(n) sond(er) d(aer) af iet te hebbene/ en(de) desgelijx de(n) selve(n) henr(icken) jarlix leve(re)n tstroe tot iii coeyen Ite(m)/ so wa(n)neer de vors(creven) henr(ic) sijn gedeelte va(n) sine(n) vors(creven) coerne/ sal doen derssche(n) so eest vurwerde dat de vors(creven) winne [den derssche(re)] hem/ geve(n) sal sine(n) montcost en(de) henr(ic) sal hem sijn dachue(re)n bet(alen)/ en(de) d(aer) voe(r) sal de selve winne hebben caf en(de) crinsen d(aer) af comen(de)/ It(em) sulle(n) de vors(creven) winne en(de) henr(ic) te gade(re) en(de) te gelike(n) cost/ copen l mandele(n) stroes en(de) dat sal de vors(creven) winne hale(n) t(er)/ plaetse(n) d(aer) de selve henr(ic) hem dat bewisen sall en(de) dat sal/ de vors(creven) winne int vors(creven) goet met sine(n) beeste(n) slite(n) en(de) d(aer) af/ mestmake(n) en(de) dat opt lant vue(re)n tslants meeste(n) p(ro)fijte Sal oec/ de vors(creven) wynne int vors(creven) goet jarlix moete(n) houde(n) c scapen/ en(de) niet min En(de) alle dese vurwerde(n) (et)c(etera) rike kersmake(re) junii xxv/ xxvii/