It(em) want peter sfraden cnape der stad van loeven(en) die geleit is tot/ allen den haefliken goeden marien arnts in deen zijde ende [peeter wolff m(et)] berbele/ arnts der voirs(creven) marien [sijnen wijve] zuster [der voirscr(even) marie(n)] in dande(re) op heden voe(r) meye(r) en(de) scepen(en)/ van loeven(en) in rechte come(n) sijn Alse vand(er) have(n) gebleve(n) nae de doot/ goerts wijlen arnts en(de) vrouwe yden sijne(n) wijve vad(er) en(de) moed(er) der voirg(enoemde)/ gesuste(re)n Inden yersten i bedde iii bedden i van derdalver ellen metten/ gordijne(n) en(de) gheerden dair toe behoe(re)nde i bedde van ix vierendeele(n) ende/ noch een van twee ellen viii cussene noch iii oft iiii and(er) gemeynd(er) cussene/ iii sittecleede(re) blangescilde i hemel dieme(n) bove(n) een bedde mocht slaen eene(n)/ grauwe(n) tabbart met eender muysend(er) vude(re)n voede(r) i swerte(n) tabbaert met/ wullene(n) voede(r) i swerte(n) coers met eene(n) bonte(n) pelse i swerte(n) coers met eene(n)/ wullene(n) voede(r) i pels i fosteyne(n) coers i goede falie i capruyn ii l(i)b(ra) vlas/ i hekele i wage met gewichten van loote xii l(i)b(ra) xxviii elle(n) linens/ lakens iii paer slapelakene(n) xiii doeke iii ellen i vouwe xi/ ee(re)n potten ii witte ketels i lavoer iii swerte ketels i cleyn bexken/ iii panne(n) i dossijne tenne(n) schotelen iii roestplatteelen i com ii wijn/ potte i quaertslessche i waelpuytpot (½) waelpuytpot i x dossijne dobbelie(re)/ ii groete yse(re)n brantroden i yse(re)n spet i hane i hael i roest i/ hangende yser ii tangen iii v sidelen ii gedraeide sekels iiii drinas?/ i scrijne i amarijs i badecuype i scutsel van berders ii coetssen ii/ loeten water clocken i eerden clocke vii potte met gebranden wate(re)/ i coffer en(de) ii steene dair inne en(de) noch i steen wel wert sijnde/ xii peters vi boeke w(er)t sijnde xii pet(er)s bede bueke mette(n) vrouwe(n)/ getijde en(de) anders i ganse panne i edewaertschen nobel i gulden(en) rijder/ en(de) noch meer and(er) gelts iiii pickelstoele i richtbanck i stoelene(n) setel/ i stoel met eene(n) gate iii eycken pla(n)cken i eycken dicke plancke/ ii morsels i le(m)mertijne(n) p(ate)r n(oste)r iiii hynne(n) Van welker have(n) de/ voirs(creven) peter hoepte en(de) meynde dat hem d(er) voirs(creven) marien kinsge/ deelte volgen soude gemerct dat sij kint es des voirs(creven) wijlen arnts/ en(de) vrouwe yden gelijc de voirs(creven) huer weder p(ar)tije dat kinde Waer op/ de voirs(creven) berbele tegen allegeerde en(de) dede seggen dat de voirs(creven) have/ bij vrouwe yden wijlen hue(re)r moeder in vorme(n) van testame(n)te gemaect/ en(de) gelaten wae(re) en(de) soe hoept sij dat die have niet sculdich en wae(re)/ den voirs(creven) beleide te volgene Niet min eve(n)verre de voirs(creven)/ marie ten geliken betalen woude de schout gebleve(n) acht(er) d(er) voirs(creven)/ / wijlen yden en(de) ten geliken oec dragen de laste vande(n) bedevaerden/ die de voirs(creven) wijlen yde sculdich bleve(n) was sij woude g(er)ne d(er) voirs(creven)/ marien hue(re)r suster hue(r) kinsgedeelte laten volgen maer want de/ voirs(creven) marie de p(rese)ntatie niet aen en nam Soe slaet ten eynde/ de voirs(creven) berbele huer sake bege(re)nde en(de) versueken(de) metten/ testamente te moegen volgen ter plaetsen daer dat behoerde/ Soe hebben de h(ere)n scepen(en) van loeven(en) t(er) manisse(n) smeyers/ gewijst voir een vo(n)nisse datme(n) den voirs(creven) pete(re)n vander/ voirs(creven) marien kinsgedeelte inde voirs(creven) have houden sal in sijne(n)/ beleyde en(de) heeft de voirs(creven) berbele yet te volgene metten/ testamente dat sij dat doen mach ter plaetssen daert behoirt/ p(rese)nt(ibus) rijke kers(makere) abs(oloens) roelofs ov(er)wynge prijke(re) junii x