It(em) tvonnisse tussche(n) wille(m)me van arle wonen(de) te mechle(n) die/ geleit is totte(n) haeflike(n) goede(n) henrix vanden bossche van tieldonc/ sone qui(n)tens vanden bossche in deen zijde en(de) wille(m)me schelkens/ die desgelijx geleit is tot allen den goeden have en(de) erve des/ vors(creven) henrix also v(er)re die te tieldonc en(de) d(aer) omtre(n)t gelegen/ sijn in dande(re) alse van alle d(er) haven des vors(creven) henrix gelijc die/ inden huyse des voirs(creven) henrix gelege(n) te tieldonck gelegen en(de) te/ bevi(n)den es en(de) elswair De welke de vors(creven) willem schelkens/ die ond(er) jong(er) date geleit is dan de vors(creven) willem va(n) arle/ meynde want de vors(creven) henric voe(r) vluchtich wae(r) dat hem/ en(de) sine(n) beleide volgen soude het en wae(re) dat de vors(creven) willem/ van arle sine(n) eedt dade dat de vors(creven) henric hem/ wittelic sculd(ich) wae(r) buyte(n) de schout va(n) sine(n) scepen(en) brieven oft/ dat hij voe(r) hem stonde nae dordina(n)cie vand(er) stad Dair/ op de vors(creven) willem va(n) arle antwerde kennen(de) den vors(creven) henr(icke)/ vluchtich te sine dat de selve henric hem [so] van geleenden/ gelde en(de) so van dat hij voe(r) hem stonde als borghe sculd(ich)/ wae(re) en(de) geweest hadde voe(r) en(de) eer de vors(creven) wille(m) schelleke(n)s/ geleit was inde so(m)me van lxvii peet(er)s en(de) xiiii(½) stuv(er)s/ bieden(de) d(aer)op sine(n) eet te doene nae d(er) stad recht P(rese)nteren(de) voirt/ de voirs(creven) have te laten volgen den vors(creven) wille(m)me schelkens/ en(de) sinen beleide op alsoe [dat] hij hem sijn hant volvulde van/ sijnd(er) schout vors(creven) p(rese)nteren(de) oec mede oft de vors(creven) have bet(aelt)/ wae(re) dan de vors(creven) so(m)me tsuplus van dien den vors(creven) wille(m)me/ schelkens en(de) sine(n) beleide te laten volgen Es gewijst met/ desen worden so wair willem van arle sine(n) eedt dade so/ hij geboden hadde dat hem de vors(creven) have volgen soude opde/ p(rese)ntacie(n) die hij gep(re)senteert hadde Welken eet hij t(er) stont/ gedaen heeft en(de) nae dat sijn wed(er)p(ar)tie d(aer)op zeke(r) cala(n)gie(n)/ geworpen hadde so w(er)t ten uut(er)sten gewesen dat de voirscr(even)/ willem sijns eets volcomen is p(rese)nt(ibus) rike kers(makere) abs(oloens) roelofs/ prike(re) maii vi[ta]