It(em) want stoet en(de) toebat opv(er)staen en(de) verresen was tusschen janne vrederix/ van meerbeke in deen zijde en(de) janne de smet van werchte(r) in dande(re) alse/ van zeke(re)n loene van pijne en(de) van erbeyde die de voirscr(even) jan de smet/ aenden voirscr(even) janne vrederix verdient soude hebben ende desgelix van/ zeke(re)n montcoste die deselve jan vrederix den voirscr(even) janne de smet/ eysschende is Soe hebben hen de voirscr(even) p(ar)tijen vanden voirscr(even) stoete en(de)/ van des daer aen cleven mach gekeert gesubmitteert en(de) verbonde(n)/ in vrindelijke segghe(re)n ende effene(re)n Te weten de voirscr(even) jan vrederix/ in arnde vyncke en(de) wille(m)me boegaert en(de) de voirscr(even) jan de smet in/ brueder everarde de pape gardeaen vande(n) mindenbruede(re)ns te loeve/ loeven(en) en(de) he(re)n wille(m)me de clieve(re) prieste(r) in alsulker vueghen dat de/ voirscr(even) segghe(re)n dbescheit vande(n) voirscr(even) p(ar)tije(n) aengehoirt hebben(de)/ huer uutsprake van dien eendrechtichlijck uutspreken sulle(n) tussche(n)/ dit en(de) sinxene(n) naestcomen(de) oft alsdan op dat sijs niet eens en wae(re)n/ eene(n) ov(er)man nemen met hue(re)n gemeyne(n) consente de welke eens/ gelijx vande(n) bescheide der p(ar)tije(n) voirscr(even) geinformeert sijnde sijn/ uutsprake daer aff doen sall bynnen viii daghen dair nae/ volghende Geloven(de) de voirscr(even) p(ar)tije(n) vast en(de) gestentich te houde(n)/ soe wes bijde(n) voirscr(even) segghe(re)n oft hue(re)n ov(er)manne geseedt en(de)/ uutgesproke(n) sall worden cor(am) rijke abs(oloens) maii xi