Want henric van dyoen die nae den rechte d(er) stad van loven(en) come(n) en(de) geleit is tot alle(n)/ den goeden have en(de) erve jans gadaff opden dach van heden hadde doen inne scrijve(n)/ te loven(en) inde banck voir meye(r) en(de) scepen(en) [ald(aer)] ald(aer) so(m)migen van uwen ondersete(n) te voerene/ gheerde blaespappe jaq(ue)mijn stupe [en(de) joffr(ouwe) gielet sine(n) wijve] en(de) ja(n)ne de ke(m)mere van herent die hem aen so(m)mige/ vande(n) voirs(creven) goeden ongebruyc deden Te wetene inden iersten aen ii boend(er) lants/ gelege(n) t(er) plaetsen gehete(n) a chayne heybrumet tusscen den wech gaende van name(n) ten gelde/ nake en(de) de goede van chantrain It(em) aen iii dach(mael) lants gelege(n) bove(n) de vors(creven) goede d(aer) den/ wech gaende van name(n) te geldenake(n) dore gaet It(em) aen (½) boend(er) lants gelege(n) a piechem/ tusscen de goede jans van heybrumet It(em) aen iiii dach(mael) lants gelege(n) neve(n) den bosch/ jans gielet It(em) aen iii dach(mael) lants gelegen bove(n) heybrumet d(aer) den voetpat doregaet/ It(em) aen i dach(mael) lants gelege(n) neve(n) den wech gaende van jauchelet te gelde[nake] Tot/ welke(n) daghe de vors(creven) uwe ond(er)sete(n) [p(er)sonen] niet come(n) en sijn den vrs(creven) henricke sijne(n) dach/ verwachtende Soe eest dat de h(ere)n scepen(en) van loven(en) t(er) manissen smeyers gewijst/ hebbe(n) voir een vonnisso datme(n) den vors(creven) henricke vande(n) vors(creven) goede(n) houde(n) fal sal/ in sine(n) belerde beleide also v(er)re alst noch voir hen come(n) is p(rese)nt(ibus) scab(inis) exe/ vide(licet) rijke abs(oloens) kers(makere) roelofs ov(er)winghe aug(usti) xx/