It(em) vande(n) stoete en(de) tebat dat tusscen will(em)me vand(er) hofstat in deen/ sijde en(de) goerde de melte(re) opver in dand(er) opverstaen was/ alse van ene(n) cudde scape(n) die de vors(creven) goert den vors(creven) wil(he)lm(us)/ d(aer) voe(r) dat de vors(creven) goert meyndt dat de selve willem(me)/ borghe bleven is ald(aer) de selve goert die te vueden gegheven/ hadde hebben hen de vors(creven) p(ar)tije(n) d(aer) af en(de) van des d(aer) aen/ cleven moghte gesubmitteert in segge(re)n en(de) vrientlic yffene(re)n Te/ weten de vors(creven) willem in arnde lobbe en(de) janne vand(er) monck/ en(de) de vors(creven) goert in janne vand(er) haghen en(de) gielise van/ udekem in alsulker vuegen dat de vors(creven) goert sijne(n)/ eysch en(de) aensprake den vors(creven) vier segge(re)n tusscen dit en(de) maendag/ naistcomen(de) opdoen en(de) bijbrengen sal Op dwelc de vors(creven)/ willem sijn verantw(er)den d(aer) op bynne(n) achten acht dagen/ d(aer) naestvolgende doen s in p(rese)ncie(n) d(er) vors(creven) d(er) vors(creven) vier/ segge(re)n doen sal en(de) oft e(n)nige vande(n) vors(creven) p(ar)tije(n) e(n)nige/ thonisse behoefde te leyden dat soude hij moge(n) doen/ bynne(n) viii dage(n) d(aer) naistvolgen(de) Welke vier segge(re)n/ vanden bescheide en(de) thonisse d(aer) op gele vanden vors(creven) p(ar)tije(n)/ geinformeert en(de) verhoert sijnde bynne(n) viii daigen/ d(aer) naist staphans volgen(de) op dat sijs eens en(de) van accoerde/ sijn hue(re) uutsprake d(aer) af seggen en(de) p(ro)nu(n)cie(re)n sullen en(de)/ en conne(n) sijs niet eens geworden so sullen de selve segge(re)n/ met allen den bescheide dat sij verhoir vand(er) vors(creven) saken/ verhoert hebben comen voe(r) scepen(en) van loven(en) en(de) halens een vonnisse al ofts de p(ar)tijen met rechte gedinct hadde
//
en(de) oft e(n)nige vanden voirscr(even) p(ar)tijen in sijne(n) segge(re) e(n)nich gebreck hadde/ soe mochte hij in die stad het wae(re) een oft meer eene(n) ande(re)n gelike(n)/ kiesen sond(er) argelist Geloven(de) beyde de voirscr(even) p(ar)tije(n) vast en(de) gestedich/ te houden cor(am) lynthre prijke(re) januar(ii) xxi/