It(em) want de voirs(creven) meester jan cole den voirg(enoemde) h(ere)n gemeynlic/ tot seke(re)n t(er)mijne(n) die sij met malcande(re)n ov(er)comen en(de) eens worden/ sijn geloeft heeft te betalen(e) alle hue(re) vruchten en(de) rente(n) die hen/ bynne(n) de selve hue(re) t(er)mijnen van hue(re)n kercken wegen vallen en(de)/ verschijne(n) sullen Soe eest vuerweerde oft alsoe gebuerde dat de/ voirs(creven) meester jan aende voirs(creven) he(re)n oft e(n)nigen van hen van/ e(n)nigen vanden selven hue(re)n t(er)mijne(n) in gebreke wae(re) van/ betalingen dat sij hen dan en(de) elc van hen besundert mette(n)/ voirs(creven) brieve sullen mogen behulpen opde voirs(creven) p(er)soene inde(n)/ voirg(enoemde) brieve begrepen en(de) huer goede o(m)me mette(n) selve(n) brieve/ te gecrigene en(de) te verhalene tghene en(de) alsoe vele schouts/ alse de selve meest(er) jan alsdan ten voirg(enoemde) he(re)n weert oft/ e(n)nigen van hen gehouden en(de) tachter sijn sal cor(am) eisd(em)/