It(em) jan van halle sone wijlen henrix in p(rese)ncia heeft genomen ende bekent dat/ hij genome(n) heeft van wille(m)me spechs die geleydt is tot allen den goeden have/ en(de) erve willem maes van geldenake de twee derdengedeelte van allen [de(n)] goede(n)/ metter helicht vander camme(n) des voirs(creven) willem maes geleghen te molenbeke/vuutgenomen de chijse in wynnen(de) landen eeusselen en(de) bosschen Te houden/ en(de) te hebben van halff merte lestleden eenen t(er)mijn van ix jae(re)n langc/ due(re)nde deen nae dander sond(er) middel volgen(de) elcx jaers dae(re)n bynnen voe(r) en(de)/ o(m)me xviii gulden rins van goude goet ende ghinge alle jae(re) te sinte/ andries misse te bet(alen) en(de) te loeven(en) te leve(re)n den voirscr(even) wille(m)me spechts/ den voirscr(even) t(er)mijn due(re)nde en(de) telken t(er)mijne als vervolghde schout Item/ sall de voirscr(even) wynne de voirscr(even) wynnen(de) lande wael en(de) lofflic wynne(n)/ werve(n) en(de) meste(n) gelijc regenoten boven en(de) beneden en(de) desgelijx de voirs(creven)/ wynnen(de) lande wael te laten te sijne(n) affscheiden gelijc hij die gevonden/ heeft te sijne(n) aencomen Te weten twee dachmael lants d(aer) aff geleghe(n) opde(n)/ wivelpoel met wint(er)coerne besayt op iii getijdeghe voe(re)n en(de) dander lande/ te weten de brake geheel ende de stortte eens o(m)me gedaen It(em) sal de/ voirscr(even) wynne de voirscr(even) bossche moghen affhouwen so wanneer sij/ out sijn sullen seven jaer ende niet eer uutgenomen opgaende eyken/ ende ande(re) opgaende hout Item en sall de voirscr(even) wynne de voirscr(even)/ egheen beesten inde spruyten vanden bossche moeghen houden noch/ laten gaen het en sij dat sij tierst drie jaer out sijn sullen Item sal/ voert de voirscr(even) wynne tvoirscr(even) panhuys sijne(n) t(er)mijn due(re)nde moete(n)/ houde(n) op sijne(n) last van wande en(de) van dake wael en(de) lofflic Geloven(de)/ de voirscr(even) willem den voirscr(even) janne van halle den voirscr(even) t(er)mijn/ due(re)nde vander voirscr(even) hueringhen teghe(n) eene(n) iegelike(n) recht wara(n)t/ te sijne en(de) hem ind(er) selv(er) hueringhe(n) te houden cor(am) abs(oloens) roelofs fe(r)ia/ quarta p(ost) quasimo(do)/