It(em) want goert scauwart als geleit tto totte(n) haeflijken goeden/ seghers scuelens van sente katlijne(n) lombeke op den dach van heden hadde/ doen inne scrijve(n) mett(er) stad briven lieve(n) den brouwe(re) die hem ae(n)de/ vors(creven) have ongebruyk dede ald(aer) de vors(creven) lieven niet come(n) en es/ den vors(creven) goerde sijne(n) dach verwachten(de) Soe eest dat de he(re)n/ scepen(en) van loven(e) ter manissen smeyers gewijst hebben een vo(n)nisse/ wae(r) de vorg(enoemde) lieven niet en compt ten opstane des meyers en(de)/ d(er) scepen(en) datme(n) den vorg(enoemde) goerde houden sal in sijne(n) beleide alsoe/ v(er)re dat noch voe(r) hen come(n) es p(rese)nt(ibus) o(mn)ib(us) scab(inis) maii ix