It(em) al eest alsoe dat de vors(creven) gegoedde(n) inde geheel goede d(aer) tvors(creven)/ beleit op slaende compt geheelic en(de) al gegoet en(de) geerft sijn gelijc/ vors(creven) is en(de) men ind(er) waerh(eit) bevindt dat de vors(creven) wile(n) lenaert/ en(de) goedele sijn wijff die den vors(creven) brieff bekint hebbe(n) te(n) tijde(n)/ als sij leefde(n) zeke(r) porceele vande(n) vors(creven) erfgoede(n) ten erfchijse/ uutgegeve(n) hebbe(n) hadde(n) goerde de(n) sluyp(er)e voe(r) en(de) o(m)me vii/ chijsguld(en) d(aer) af de selve goerd noch sijn naecomel(ingen) noyt gued(inge)/ en hadde(n) alsoe sij meyne(n) Soe hebbe(n) de vors(creven) gegoedde(n) in teg(ewordicheit)/ d(er) scepen(en) va(n) lov(en) gestae(n) toegeseet en(de) geloeft de(n) vorscr(even)/ goede sine(n) kinde(re)n oft den ghene(n) die(n) de vors(creven) goert/ / oft sijn kinde(re) de vors(creven) goede uutgeg(even) oft v(er)cocht hebbe(n) mochte(n) mett(er)/ selv(er) gued(inge) egeen hind(er) noch letsel aende vors(creven) goede te doene vord(er) dan/ d(aer) aen te v(er)reike(n) en(de) te v(er)hale(n) mette(n) rechte xviii chijsguld(en) [eens] En(de) ingevalle/ oft de besitt(er)s vande(n) selve(n) goede(n) die xviii guld(en) weig(er)de(n) te bet(alen) so sulle(n)/ sij mett(er) selv(er) hue(r) gued(inge) huer recht mogen vord(ere)n opde geheel goede/ o(m)me die te behoudene en(de) te besittene nae inhout hue(re)r brieve(n)/ vors(creven) En(de) in gevalle oft sij de vors(creven) goede wo(n)ne(n) oft hen oec de/ vor(creven) pe(n)ni(n)ge(n) bet(aelt) worde(n) soe es vurwerde dat de vors(creven) kinde(re) ruelens/ en(de) de vors(creven) twee heilegeeste(n) d(aer) inne gericht sijn sulle(n) te wete(n)/ beide de vors(creven) heilegeeste(n) in een vijfstendeel en(de) de kinde(re) ruelens/ oec in een vijfstendeel en(de) niet vord(er) eisd(em)