It(em) henry cadot die op den xii[ste(n)] dach van mey in jar xliiii/ geleidt is tot alle(n) den haeflike(n) goeden henrix de savenirez heeft/ den momboe(re)n vand(er) taflen des heylige(n)geest uut macht van hupaing/ uut machte vanden selve(n) beleide geconsenteert dat sij verreyken en(de)/ inde(n) name vand(er) selv(er) taflen verhalen moge(n) aen de vruchte(n) van alsulken/ landen als de vors(creven) henric de savenirez jege(n) den vors(creven) momboe(re)n/ in pechtingen genome(n) heeft wezende in eenre schue(re)n jans robijn tot/ bomale gelege(n) de so(m)me van iiii(½) [vi] mudde rogs [en(de) vi halst(er)] d(er) maten van loven(en)/ de welke de selve henric mach? vand(er) vors(creven) pechtinge(n) den vors(creven) mombo(eren)/ belanc en(de) schuldich is py(n)noc miles witte no(vembris) vii