Van ja(n)ne roesart/ Tvonnisse tusscen janne roesart gehete(n) uut(er) poerten in deen zijde/ en(de) janne de roeve(re) in dande(re) alse van ii croenen d(er) mu(n)ten sconinx/ van vrancr(ijc) goet en(de) ginge oft wettich legael jarlix en(de)/ erflike rente(n) te kersmisse vallen(de) die hij heeft en(de) houden(de) es/ aen en(de) op i huys en(de) hoff met sijnd(er) toebehoerte(n) gelege(n) opde/ merct te loven(en) nu toebeh(orende) den vors(creven) ja(n)ne de roeve(re) Dwelc/ wile(n) toebehoerde goessene collay potghiete(re) en(de) wout(ere)n geheten smacht/ na(tu)[r]lex voir welke twee cronen de vors(creven) jan roesart in gebreke/ van betalingen sijnde voert hadde bego(n)ne(n) te vae(re)n met rechte/ Dwelc de vors(creven) jan de roeve(re) gescut hadde meynen(de) te gestane/ met xxi stuv(er)s te betale(n) voir elke d(er) vors(creven) ii cronen Mids dien/ alsoe hij seide dat de brieve niet inne en hielden oude/ croene(n) soe goet van goude en(de) swaer va(n) gewichte Ende want/ dan den hoexte(n) prijs vande(n) and(ere)n cronen die ond(er) de oude/ cronen sijn niet hog(er) en gedraecht dan xxi stuv(er)s vande(n) welke(n)/ hij hem gedroech totte(n) wissele(n) oft den ghene(n) die hem des/ v(er)staen mochte Soe meynde hij dat hij d(air) mede gestae(n) soude/ Dair af jan de (contra)rie meynde seggen(de) dat hem nae/ inhout sijnre brieve die gedateert sijn opt jair van xix/ xvi dage in septe(m)br(i) en(de) nae de stile diemen doen hielt/ van scrijvene inde scepen(en) brieve dat hem die oude crone(n)/ volgen soude(n) en(de) sculd(ich) wae(re)n uutgereict te wordene oft valeur/ vande(n) selve(n) nae [de] valuacie vande(n) lande Es gewijst met dese(n)/ woerden dat ja(n)ne roesart en(de) sine(n) scepen(en) brieve(n) volge(n) sulle(n)/ oude crone(n) nae de valuacie vande(n) lande cor(am) pynnoc milite/ witte winge willem(air) hortbeke sabbato p(ost) q[u](as)i mo(do) vide(licet) vi ap(rilis)/