It(em) o(m)me den voirs(creven) gehuyssche(n) vand(er) voirs(creven) lijfpensien bat te besorghe(n) / en(de) te vreden te stellen heeft de selve baudewijn den selve(n) janne metten
//
hee(re) gelevert en(de) in sine(n) hande(n) gesedt de silvere(n) juwele(n) h(ier) nae bescr(even) / Inden yersten eene(n) ongedecten zilve(re)n v(er)guldene(n) cop eene verdecte zilvere / kine eene(n) zilve(re)n onverguldene(n) scheel van eene(n) coppe eene(n) silveren croes / ende x silvere scalen weghende alle de voirs(creven) juwele(n) te gade(re) xii merct / troys gewichte Tot dien eynde oft de voirs(creven) baudewijn den voirs(creven) janne / jairlijx ten valdaghen vand(er) voirs(creven) lijfpens(ien) egheen gulde noch betalinge / en dade oft oec den selve(n) janne de selve lifpens(ie) tot sijnd(er) manissen / niet en verpande nae inhoude(n) vande(n) voirg(enoemde) brieve oft afenqueet / Soe heeft de selve baud(ewijn) den voirs(creven) janne alsdan gewillecoert en(de) geco(n)senteert / dat de selve jan tallen uuren als dat gebue(re)n sall de voirs(creven) juwele(n) tot / sijnd(er) gelieften sal moeghen v(er)coepen en(de) die tot hue(re)n hoeghste(n) / bringen en(de) dair aff trecken tgene des hij van acht(er)stellige(n) pachte(n) / tacht(er) en(de) te cort sall wesen met gad(er)s den principale(n) pe(n)ni(n)gen / vanden selve(n) en(de) cost en(de) co(m)mer va(n) rechte d(aer) op gegaen Ende oft de / selve jan metten selven juwelen niet toe en compt en(de) die min / v(er)cocht worden dan die selve gebreke(n) des selfs jans gedrage(n) [sulle(n)] soe / sall de selve jan tsurplus en(de) dacht(er)stel d(aer) aff mette(n) voirs(creven) sijne(n) / scepen(en) br(ieve) opden voirs(creven) baud(ewijne) en(de) sijn ande(re) goede moghen / verreyke(n) en(de) verhalen sonder argelist Geloven(de) voert de selve / baud(ewijn) den selve(n) janne oft me(n) in toecomen(de) tijde(n) bevo(n)de(n) yeman(ne) / tot zijne(n) goede(n) geleit sijnde den selve(n) geleide(n) indie(n) te hebbe(n) / dat hij metten selve(n) beleide den selve(n) janne aende voirg(enoemde) / juweele(n) egheen hind(er) sijn en sall m(er) den selve(n) janne alle wege(n) / d(aer) mede te doen behulpe(n) o(m)me aen de selve juweele(n) de voirs(creven) / gebreke(n) gelijc voirs(creven) es te verreyken Cor(am) eisd(em) /