Van jacoppe edelhee(re)/ Vand(er) aensp(ra)ken die wout(er) ackerma(n) inde banc voir meye(r) en(de) scep(enen) va(n) lov(en) tot jacoppe/ edelhee(re) die nae den rechte d(er) stat van loeven(en) geleit is tot alle(n) den goede(n) have/ en(de) erve jans wile(n) ack(er)ma(n)s sijns vad(er)s gedae(n) heeft alse va(n) zeke(re)n toesegge(n) en(de)/ gelufte(n) die de vors(creven) jacop den vors(creven) wout(ere)n va(n) zeke(re)n goede(n) die de vors(creven) wout(er)/ vandes vors(creven) sijns vad(er)s goede v(er)cocht heeft oft v(er)copen [mochte] o(m)me den vors(creven) jacoppe/ d(aer) af te cuele(n) van tgene desme(n) hem sculdich wae(re) afgetogen van sijnre/ so(m)me(n) x oft xii rid(er)s de welke de vors(creven) jacop hem seide te goede willen/ doen toest ... gedaen en(de) geloeft soude hebbe(n) den coep(er)e van die(n) goeden/ uut sine(n) beleide te vestigen etc(etera) vande(n) welke(n) de vors(creven) wout(er) hem des/ gedroech t(er) conde(n) va(n) goede(n) ma(n)ne(n) die d(aer) bij en(de) ov(er) geweest wae(re)n dwelc/ de vors(creven) jacop bij sine(n) gelev(er)den voirsp(ra)ke den vors(creven) wout(ere)n oppenbarlic/ ontkinde tgene dat vors(creven) es toegeseet oft geloeft te hebbe(n) Seggen(de)/ de selve jacop dat hij met vliegenden worden wel geseeght mochte hebbe(n)/ quame yema(n)t voe(r) oegen hem sijn gelt en(de) sijn schout gevende hij soude/ hem wat g(ra)cie(n) oft goed(er)tierenh(eit) doen en(de) al hadde de vors(creven) jacop/ den vors(creven) wout(ere)n tgene dat hij hem opleeght toegeseet so hoepte/ hij dat hem dat en(de) sine(n) beleide egeen ontstade doen en soude bij/ zeke(re)n pointe(n) die hij d(aer) toe alligeerde hebbe(n) de h(ere)n scep(enen) va(n) lov(en)/ t(er) manisse(n) smeyers gewijst voe(r) een vo(n)nisse dat alsulke aensp(ra)ke/ als de vors(creven) wout(er) ten vors(creven) jacoppe wert gedaen heeft dat die/ den vors(creven) jacoppe egeen ontstade doen en sal noch den vors(creven)/ wout(ere)n scade cor(am) om(n)ib(us) scab(inis) ex(cep)[to] liemi(n)gen januarii xv/