It(em) dat want Cond zij eenen yegelijken dat want wouter wijlen/ van weterbeke h(ier) voermaels teghen henricke wijlen de moyse(re)/ gecocht heeft een stuck lants gelijc dat dat geleghen is inde/ prochie van bierbeke ende daer nae lodewijck wijlen van hoelair/ de selve goede wed(er)om teghen h(ere)n clase wijlen van weterbeke/wed(er) gecreghen heeft van welken goeden alnoch egheen/ guedinghe noch vesticheit geschiet en sijn Soe eest dat/ jan en(de) henrick de moyse(re) gebrued(ere)n soenen des voirscr(even)/ wijlen henrix d(aer) om in jegewoirdicheide(n) d(er) scepen(en) van loeven(en)/ gestaen hebben geloeft lodewijcke van hoelair om ende/ vore eene zeke(re) so(m)me van penninghen vanden goeden gecome(n)/ d(aer)aff sij hen bekindt hebben genoech geschiet sijnde tot sijnd(er)/ manissen voir hoff en(de) hee(re) d(aer) van men de voirscr(even) goede houden(de) is/ ten coste des voirscr(even) lodewijx uutgenomen vande(n) pontgelde/ d(er) voirscr(even) goede(n) te goeden en(de) d(aer)inne met geluften van/ genoechdoen en(de) warandeerscapen opd(er) h(ere)n chijs vanden gronde
//
d(aer) vore uutgaende alsoe behoirlijck te vestighen dat den voirscr(even) lod(ewijken)/ lodewijke(n) en(de) sijne(n) erfgename(n) tot euwighen daghen d(aer)aff vast en(de) genoech/ sijn moeghe cor(am) m(ichaele) abs(oloens) willem(air) novembr(is) viii/