Item jan dierix wonen(de) sinte mertens tielt in jegewordich(eit) d(er) scepen(en)/ van loven(en) gestaen heeft geloeft h(ere)n janne vynck prieste(re) wonen(de) te/ vertrijke hem tot sijnder manissen wael ende loflic beplanten ende/ besette(n) een (½) boend(er) lants geleg(en) te bout(er)shem acht(er) tgasthuys te cro(m)me(n)/ herent den selve(n) h(ere)n janne toebehoiren(de) tusschen de goede des groet/ helichs gheests van loeven(en) opdeen zijde en(de) de goede peet(er)s vander/ lanen t(er) ander zijde(n) en(de) dat met goede(n) elsen houte en(de) berken houte te/ weten de twee d(er)dendeele oft meer d(aer) aff elsen en(de) dand(er) derdendeel/ d(aer) aff bercken en(de) dat hout opt selve goet den selven h(ere)n janne/ drie jaer lang due(re)nde leve(n)de en(de) wassen(de) te houden(e) en(de) oft/ binne(n) middele(n) tijde d(aer) op yet verdroeghde so sal de selve jan in/ die stat wed(er)om and(er) leve(n)de hout vanden selve(n) sape sette(n) en(de)/ dat alt(oes) iii jaer lang due(re)nde d(aer) nae leve(n)de en(de) wasse(n)de tot/ sinen coste d(aer) op te houden kennen(de) en(de) liden(de) de selve jan hem/ vande(n) selve(n) h(ere)n janne vande(n) prijse vande(n) gelde d(aer) aff volc(omelic)/ genoech geschiet sijnde den selven h(ere)n janne d(aer) aff volcomelic/ quijtscelden(de) cor(am) m(ichaele) abs(oloens) roelants m(ar)tii xxviii/