Vanden gebruede(re)n mottemans/ It(em) vanden gedinge dat geweest es tussche(n) henricke(n) peete(re)n/ en(de) janne mottemans gebruede(re)n in deen zijde en(de) jacoppe/ vernoeyen als geleit tot alle(n) den goede(n) have en(de) erve/ heilwijchs heilwige(n) docht(er) wilen reyneers in dande(re) alse/ vande(n) goede(n) h(ier) nae bescr(even) te weten(e) ierst van eene(n) dach(mael)/ lants gelege(n) opde hoeve tussche(n) den goede(n) gheerts vande(n)/ vive(re) en(de) den goeden henrix vand(er) berct It(em) van i dach(mael)/ lants gelege(n) opt bergervelt tussche(n) de goede gheerts vande(n)/ vive(re) voirs(creven) en(de) d(er) kinde(re)n cluwens It(em) van i dach(mael) lants/ gelege(n) in twee stucken deen gelege(n) opt roeken tussche(n)/ de goede claes cotten en(de) de goede henrix mottema(n) dand(er)/ stuck es gelege(n) opde(n) gruene(n)wech tussche(n) den goede(n) katline(n)/ van cuggenbosch en(de) den voirs(creven) gruene(n)wech It(em) van (½) boend(er)/ lants en(de) xxv roeden gelege(n) opde zijp tussche(n) de goede/ willems van opvielp optielt en(de) de goede claes/ cuggenbosch It(em) van (½) dach(mael) lants of d(aer) omtrint met/ eene(n) wouwerkene tussche(n) de strate ald(aer) en(de) de goede/ kerstiaens [vacat] die bleve(n) sijn nae de doot/ jans wilen heilwige(n) van arschot ende die de selve/ wilen jan met testame(n)te gemaect en(de) gelaten soude/ hebben den voirs(creven) gebruede(re)n mottemans gelijc sij dat/ met hae(re)n voirspreke deden seggen hopen(de) d(aer) o(m)me dat/ hen die sculdich wae(re)n te volgen(e) en(de) nyeman(ne) and(er)s/ dair op de voirs(creven) jacop v(er)noeyen hem v(er)antw(er)den(de) dede/ seggen met sinen gelev(er)den voirsprake dat hem noch/ sinen beleide die aensp(ra)ke gheen onstade doen en soude/ noch den selve(n) gebr(uederen) scade gemerct dat de goede daer/ tghedinge om es den voirs(creven) wilen janne heilwige(n)/ toebehoirde(n) en(de) dat hij d(aer) uut gestorve(n) wae(re) als uut/ sijne(n) wettigen erve sond(er) wettich oer van sine(n) live
//
acht(er) te laten en(de) dat de voirs(creven) heilwijch heilwigen/ en(de) jan wile(n) heilwige(n) twee gebrueder kinde(re) wae(re)n/ ende alsoe wae(re) de voirs(creven) hel heilwijch heilwigen/ de naeste leven(de) des voirs(creven) wilen jans bieden(de) dat/ te thoenen en(de) metten minsten etc(etera) hopen(de) waer hij/ dat gethoene(n) coste dat hem en(de) sijne(n) vvoirs(creven) beleide/ sculdich wae(re)n te volgen(e) en(de) nyeman(ne) anders/ hebben de scepen(en) van loeven(en) t(er) manissen smeyers/ gewijst voir een vo(n)nisse datmen den voirs(creven) jacoppe/ vanden voirg(eruerde) goede(n) houde(n) sal in sijne(n) beleide/ En(de) hebben de voirs(creven) gebr(uederen) iet te volgen met/ testamente dat sij dat mogen doen ter plaetssen/ daer dat behoirt p(rese)nt(ibus) roelants j(aspar) abs(oloens) witte/ vynck linthe(re) meersberge dec(embris) xx/