It(em) vande(n) stoete die opv(er)resen is tusschen oliviere beys als momboir/ yden sijns wijfs in deen zijde en(de) wout(ere)n broecma(n) sijne(n) zwag(er) als/ momboir lijsbetthe(n) sijns wijfs sust(er) der vors(creven) yden in dande(re) voe(r)/ hen selve(n) en(de) voe(r) arnde va(n) herke hue(re)n zwag(er) in dande(re) den welke(n)/ beide de vors(creven) p(ar)tie(n) in dese(n) op hen genome(n) hebbe(n) alse vand(er) deili(n)ge(n)/ d(er) goeden gebleve(n) nae de doot katlijne(n) wile(n) va(n) herke moed(er) der/ vors(creven) gesust(ere)n hebbe(n) hen de selve p(ar)tie(n) d(aer) af verbonde(n) in/ meest(ere)n matheeuse de layens meest(er) wille(m)me de beer en(de) meest(er)/ lod(ewijcke) va(n) hortbeke geswoe(re)n meest(ere)n d(er) stat va(n) loeven(en) en(de) geloeft/ vast gestedich en(de) va(n) weerde(n) te houde(n) tot ewige(n) dage(n) die dei/ linge en(de) sceidi(n)ge te houde(n)n in alsulk(er) mate(n) en(de) manie(re)n de selve/ meest(ere)n die sette(n) en(de) ordine(re)n sulle(n) d(aer) af de vors(creven) wout(er) den/ vors(creven) oliviere den koese ov(er)gegeve(n) en(de) geconse(n)teert heeft welke(n)/ koese de vors(creven) olivier tot sine(n) scoenste(n) doen sal binne(n) x dage(n)/ te lanxte(n) nae dat de selve goede bide(n) vors(creven) meest(ere)n gedeilt en(de)/ gesceide(n) [sijn] sulle(n) cor(am) witte lint(re) febr(uarii) vii/