It(em) al eest alsoe dat jan alarts de jonghe sone jans/ alarts en(de) alijt sijn wijf in jeg(ewoirdicheit) der scepen(en) van loeven(e)/ gestaen hebben gekint en(de) gelijt oppenbarlic dat sij int/ jaer ons h(ere)n duysent vierhondert liiii inde inneganc/ d(er) maent van meye [aprille] genome(n) en(de) v(er)pacht hadden tegen/ meester goerde pasteels tgoet des selfs meest(er)s goerts/ geheeten pasteels hoff eenen t(er)mijn van iii jare(n) emp(er)lic/ v(er)volgende dat te regere(n) en(de) te winnen ond(er) meer/ ande(re) vurwerden opde (con)dicien h(ier) nae bescr(even) Te weten/ dat wint(er) coren te winnen(e) op sijn iiii getidege voren/ en(de) dat te sinte denijsmisse gesayt hebben(de) en(de) dat/ somer coren op iii voren gelijc regenoeten en(de) alsoe/ vele corens als de vors(creven) jan en(de) sijn wijff opt/ vors(creven) goet tot hue(re)n aencomen besayt vanden dat/ sijs so vele besayt souden laten tot hue(re)n afsceide(n)/ oft eer bij (con)cente van hen beiden alsoe dat de vors(creven)/ meest(er) goert in deen zijde en(de) de gehuyssce(n) in dande(r) met/ malcande(re)n gesloten en(de) ov(er)comen sijn [de (con)dicie(n) en(de) vurw(er)d(en) h(ier) ond(er) bescr(even) Inden ierste(n)] dat de vors(creven)/ gehuysschen ten naeste(n) half [inne ganc] m(er)the vanden vors(creven) goede(n)/ trecke(n) sulle(n) en(de) de vors(creven) meest(er) goert sal die aenv(er)de(n)/ niet wed(er)staen(de) den t(er)mijne vanden drie jare(n) vorscr(even) due(re)nde/ en(de) des hebbe(n) geloeft de vors(creven) gehuysscen den vorscr(even)/ meest(er) goerde te doene en(de) te voldoene de geluften/ vurwerden (con)dicien en(de) pointe(n) h(ier) onder bescr(even) inde(n)/ ierste(n) sulle(n) de selve gehuyssce(n) alsoe vele lants/ besayt laten als vors(creven) steet It(em) want de selve/ gehuyssche(n) den rogge niet besayt en hebbe(n) gelijc/ vors(creven) steet desen voirledene(n) wint(er) [somer] so sulle(n) de selve/ gehuyssce(n) also vele meer som(er)corens sayen Te weten/ dbloc geheeten dlandeke(n) en(de) dbloc geheete(n) den dut/ seleere en(de) d(aer) mede sulle(n) sij gestae(n) vande(n) gebreke/ / dat de vors(creven) meest(er) goert te henwert te spreken heeft/ vanden lande vors(creven) besayt met rogge en(de) desgelijx voert/ sulle(n) sij oec quijt sijn van allen den houte dat sij/ geberrent hebben van inne ganc meye [aprille] tot opden dach/ toe van heden metgad(er)s dien dat sij oec de wortelen/ behouden sullen binnen den hove geleg(en) sond(er) enich/ hout meer te v(er)berrene Kennen(de) en(de) liden(de) de selve/ gehuyssche(n) want sij te henwert meer weyen getogen/ en(de) aenvert hebbe(n) dan sij hadden gehuert dat sij den vors(creven)/ meest(er) goerde d(aer) vore o(m)me errien sulle(n) iii dach(mael) heiden/ d(aer) de vors(creven) meest(er) goert hen die sal bewise(n) oft doen/ bewisen op sijn heyde [d(aer) inne gerek(ent) die ii dach(mael) die sij hem jarlix sculd(ich) ware(n) te errien] Kennen(de) voerts dat sij den selven/ meester goerde tacht(er) en(de) belanc bleven sijn inder so(m)men/ van iii holl(ansche) gul(den) alse van hueringen van zekerder/ weyen die sij van hem in hueri(n)gen gehouden hebben/ en(de) noch [in] ii goede grijpen en(de) iiii cap(uynen) va(n) chijse die uuter/ heiden gaen noch ombetaelt uutstaen(de) die de selve/ gehuysscen sculdich sijn te geldene nu te kersmisse naest/ comen(de) vallen(de) It(em) voertmeer sulle(n) de selve gehuysschen/ den vors(creven) meest(er) goerde doen ix vaerden te loevene/ oft ix dage ende te vuerene [vuere(n)] uut den vors(creven) meest(er)/ goerts wouwers met ii kerren d(aer) af de vors(creven) meester/ goert sijne(n) koere van beiden hebben sall En(de) h(ier) mede/ sijn afgeslaghen alle de vaerde die de vors(creven) jan en(de)/ sijn wijff den vors(creven) meest(er) goerde tot desen dage gedaen/ hebben ende sulle(n) hier inne gerekent sijn en(de) afgecort/ den selve(n) gehuysscen alsulke xii vaerde als sij den/ selve(n) meest(er) goerde te loeven(e) sculdich ware(n) te doene/ It(em) de selve gehuyssche(n) sulle(n) terdendeel van alle der/ eerden liggende binnen den vors(creven) hove en(de) d(aer) buyten opde/ kanten vanden wate(r) vand(er) grecht af vue(re)n opdes vors(creven)/ meest(er) goerts besayende lant en(de) die leggen gelijc meste/ / Kennen(de) alnoch de selve gehuyssche(n) dat sij de(n) selve(n)/ meest(er) goerde sculdich sijn i mudde rox va(n) geleende(n)/ coerne en(de) te sade x halst(er) have(re)n dwelc hen he(n)ric/des va(n) [vos va(n)] sine(n) wegen geleent heeft Kennen(de) noch de/ selve gehuyssce(n) dat sij een heyde en(de) een bloc d(aer) aen/ geleg(en) tegen den vors(creven) meest(er) goerde desen zom(er) lestlede(n)/ te weydene genome(n) hebbe(n) op sulke(n) vurw(er)de dat/ sij die grechte(n) d(aer) van o(m)megaens en(de) tussce(n) h(er) janne/ huevaerden alsoe die grecht begonst is op grave(n)/ soude(n) op hue(re)n cost d(aer) sij in gebreke sijn dat te/ voldoene It(em) vander weyden geheete(n) den willekens/ dijck die sij gehoude(n) hebbe(n) ke(n)ne(n) sij en(de) lide(n) dat/ sij de(n) selve(n) meest(er) goerde d(aer) voe(r) sculdich sijn te g(ra)vene/ een dwerse grecht d(aer) duere alsoe die half ge/ maect is en(de) noch een grecht int selve eeussell/ effene te plichtene en(de) al sond(er) cost meest(er) goerts/ It(em) sulle(n) sij voert binne(n) den selve(n) hove late(n) alsoe/ vele mests als sij d(aer) inne vande(n) tot hue(re)n aencome(n)/ t(er) taxacie(n) va(n) goede(n) ma(n)ne(n) nu te m(er)the naestcomen(de)/ It(em) sijn noch sculd(ich) de(n) selve(n) meest(er) goerde va(n) desen ledene(n)/ jare iii[c] walms o(m)me de huyse vande(n) hove mede/ te deckene It(em) eest alsoe dat de vors(creven) ja(n) en(de) sijn/ wijff die xxiii scape(n) die sij noch va(n) meest(er) goerde/ ond(er) hebbe(n) volvoedere(n) en(de) bedrijve(n) so sij tot scaertide/ sculdich sijn va(n) doene so sulle(n) de selve gehuyssche(n)/ de wolle half hebbe(n) en(de) tsestendeel va(n)den scape(n)/ Behoud(elijc) dat meest(er) goert de wollen en(de) de scape(n) in/ afcortinge(n) va(n) sine(n) gelde [behoude(n) sal] met (con)dicie(n) dat die scapen/ binne(n) shoefs blive(n) sullen It(em) de vors(creven) gehuyssche(n)/ kenne(n) meest(er) goerde sculd(ich) sijnde va(n) geleende(n) gelde/ iiii stuv(er)s en(de) dat sij noch hem sculdich sijn te/ vuerne op sijne(n) wijngaert iii voeder mests/ / It(em) de vors(creven) jan en(de) sijn huysvrouwe hebbe(n) geloeft den/ vors(creven) meest(er) goerde scadeloes te houde(n) en(de) tontheffe(n) aen h(ere)n/ ja(n)ne van hoenaerden vand(er) core d(aer) meest(er) goert voe(r) ge/ sproke(n) heeft Welke vurwerde(n) (con)dicie(n) en(de) gelufte(n) boven/ bescr(even) heeft [hebbe(n)] geloeft de vors(creven) jan en(de) sijn huysvrouwe den/ vors(creven) meest(er) goerde en(de) elc [poent] besund(er)t tot sijnd(er) manissen te/

v(er)vane en(de) te voldoene wael en(de) volcomelic te v(er)nueghe(n)/ en(de) te voldoene t(am)q(uam) ass(ecutu)[m] Consenteren(de) de selve gehuys/ sche(n) oft sij in enigen gebreke bevonde(n) worde(n) va(n) t(er) stont/ alle dlant v(er)volgens te wi(n)nen sond(er) and(er) werc aen/ te neme(n) en(de) sond(er) consent des vors(creven) meest(er) goerts so/ sal de vors(creven) meest(er) goert van sijnd(er) hant van and(ere)n lant/ wi(n)nen dat moege(n) doen doen en(de) dat doen wi(n)ne(n) en(de)/ g(ra)ve(n) nae sijn behoerte te(n) coste der vors(creven) gehuysschen/ Welke costen op dat gebuerde sij alsd(oen) dat t(er) stont/ gedaen sijnde de(n) voirs(creven) meest(er) goerde geloeft hebbe(n)/ uut te reike(n) en(de) te bet(alen) als v(er)volghde schout It(em)/ voert hebbe(n) geloeft de vors(creven) gehuysscen dat sij alle/ huer haeflike goede hoedanich die sijn die sij binnen/ den vors(creven) hove hebbe(n) het sij wagen p(er)den en(de) ande(r) have/ binne(n) den selve(n) hove laten sullen sond(er) dat uute(n)/ selve(n) hove elswair te dragene oft te vue(re)n o(m)me/ den vors(creven) meest(er) goerde d(aer) aen sijn gebreke(n) te v(er)reike(n)/ alsoe v(er)re die have sueke(n) sall en(de) dat sij oec/ desgelijx alsulke(n) stroe en(de) hoey als sij liggen(de) hebbe(n)/ in hue(re)n huse te betheke(m) geleg(en) dat sij dat niet/ minde(re)n noch v(er)rue(re)n en sulle(n) m(aer) dat d(aer) laten bliven(de)/ tot behoef des selfs meest(er) goerts o(m)me d(aer) aen te v(er)reiken/ sijn gebreken als voe(r) cor(am) kers(makere) roelofs no(vem)[br(is)] ult(ima)