Item want roelof vander elst die nae recht/ der stat van loeven comen ende geleit es tot/ den goeden have en(de) erve jans van finevail/ des jongen sone wijlen jans opden dach van/ heden metten brieve(n) vand(er) stad hadde doen/ bescr(iven) joffr(ouwe) joha(n)ne(n) switten weduwe des voirs(creven)/ wijlen jans en(de) gielise delhe van bossuyt die/ hem ongebruyc deden aende goede h(ier)nae bescr(even)/ Ierst aen iii dach(mael) lants geleg(en) az sacellez/ naest den goeden d(er) he(re)n van s(in)te jans te/ luydick Ite(m) aen iii dach(mael) lants geleg(en) boven/ den hof jans del haye naest den goeden der/ tafelen sheilichs gheests van loeven(e) It(em) aen x/ dach(mael) lants in eene(n) stucke geleg(en) bove(n) den/ wech gaende van saneveal de bossuyt w(er)t/ naest den goede(n) d(er) he(re)n van s(in)te jans te luydic/ voirs(creven) Ite(m) aen (½) boend(er) beempts geleg(en) te/ nethen(en) inde grote beemde naest den goeden/ der erfgenamen van sanevial op beide zijden/ It(em) (½) aen (½) boend(er) beempts geleg(en) inde/ beemde geheete(n) suers naest den goeden der/ armen van weys It(em) aen (½) boend(er) boschs/ geleg(en) alle fontenelle in ii stucke(n) ald(aer) naest/ den goede(n) d(er) he(re)n van s(in)te jans in beide(n) zijde(n)/ It(em) aen iii dach(mael) bosch geleg(en) sur le sours/ naest den goeden d(er) religioesen van hastirez/ ende de selve joffr(ouwe) joha(n)ne noch gielijs/ / delhe op heden inden rechte niet gecompareert/ en hebben den voirs(creven) roe[lo]ve sijne(n) dach v(er)wachten(de)/ en(de) voerts recht v(er)suekende Soe hebben de scepen(en)/ van loeven(e) t(er) manissen smeyers gewesen voer/ een vo(n)nisse wair de selve joffr(ouwe) joha(n)ne en(de)/ gielijs niet en quamen ten opstane smeyers/ en(de) der scepen(en) datmen dan den voirscr(even)/ roelove vanden voirs(creven) goeden houden sal in/ sijne(n) voirg(eruerde) beleide vande(n) goeden voirg(eruert) alsoe/ verre alst noch voir hen comen es p(rese)nt(ibus)/ roelofs abs(oloens) opp(endorp) velde decembr(is) x