Item want andries ylkart geheeten laureis/ die nae recht d(er) stad van loeven comen en(de)/ geleit es tot den goeden goerts vander straten/ geheete(n) feye opden dach van heden met brieve/ d(er) stad van loeven hadde doen innescrive(n) ja(n)ne/ laureten die hem ongebruyck dede aen een/ dachmael bosch geleg(en) te nuwerode tussche(n) de/ goede des voirs(creven) jans laureten op deen zijde/ ende de heide ald(aer) op dande(re) aldaer de selve/ jan niet comen en es den voirs(creven) andriese/ sijne(n) dach van rechte verwachtende en(de) voert/ recht versuekende Soe hebben de scepen(en) van/ loeven t(er) manissen smeyers gewijst voir een/ vo(n)nesse waer de voirs(creven) jan laurete(n) niet/ en quame ten opstane smeyers en(de) d(er) scepen(en)/ datmen dan den voers(creven) andriese vanden/ voirs(creven) goeden houde(n) sal in sijne(n) beleyde/ alsoe verre alst noch voir hen comen es/ p(rese)nt(ibus) roelofs abs(oloens) velde marsels dec(embris) xii