Cond zij alle(n) lieden dat andries de neusnide(re) willem meys/ peet(er) de becke(re) kerstiaen de neusnide(re) jan lampkart gheert/ meerma(n) jan de langhe en(de) katlijne weduwe robbrechts/ wilen huyghen in deen zijde ende barbele weduwe/ jacops wile(n) metsaerts in dande(re) sijn met malcande(re)n/ ov(er)come(n) en(de) eens worde(n) de gelufte(n) vurwerde(n) en(de) (con)dicie(n)/ h(ier) nae bescr(even) inden ierste(n) dat alle de vors(creven) p(er)soene(n) vand(er)/ ierst(er) zijde(n) tot hue(re)n lasten gelden en(de) bet(alen) sulle(n) alsulken/ xxv croenen d(er) mu(n)ten sconinx va(n) vrancr(ijk) die de vors(creven)/ wilen jacop metsaerts sculdich bleven is nyclase [nyclase] creenke(n)s/ van zekerd(er) pelterien die hem de selve nyclaes v(er)cocht/ heeft en(de) d(aer) voe(r) sij des selfs wile(n) jacops metsaerts/ borge bleve(n) sijn en(de) der vors(creven) berbelen d(aer) af ontlasten/ en(de) scadeloes ontheffen En(de) d(aer) voe(r) so sal den selven p(er)soene(n)/ volgen alsulken vi peet(er)s als katlijne pe(n)ninx en(de) hue(r)/ man tot vilvorden der selv(er) weduwen sculdich sijn
//
te iii t(er)mijne(n) te bet(alen) van welke(n) vi peet(er)s d(er) vors(creven) weduwe(n)/ zeke(re) scepen(en) brieven van vilvoerden gemaect en(de) v(er)leden/ sijn en(de) den selve(n) p(er)soenen tot hue(re)n manisse(n) hue(r) macht/ van dien mette(n) recht ov(er)geven sall It(em) dat noch den/ selve(n) p(er)soenen van nu voirtaen erflic volgen sal dien/(½) gul(den) loven(sche) peet(er) als de vors(creven) wile(n) jacop metsaert gecocht/ heeft tegen robbrechte va(n) raveschote op sijn huys en(de)/ hoff mette(n) wijng(ar)de en(de) met sijne(n) and(ere)n toebehoirte(n) geleg(en)/ inde groeve tussche(n) de goede peet(er)s de greeve en(de) de/ goede henrix va(n) raveschote en(de) sal [dat] de selve wed(uw)e/ hue(r) macht van dien sond(er) hue(re)n cost ov(er) goede(n) sal t(er)/ manisse(n) van hen den gh gheenen dies de selve p(er)soene(n)/ bege(re)n sulle(n) gedaen te hebbe(n) En(de) ind(er) selv(er) guedingen/ geloven te v(er)vane peet(ere)n en(de) lijsbetthen geheeten met/ saerts hue(re)n kind(ere)n alnoch onder huer daghe sijnde/dat so wa(n)neer sij tot hue(re)n mondigen dagen come(n) sulle(n)/ wesen dat sij dan desgelijx huer recht vanden selven/(½) peet(er) den selven coep(er)e ov(er)geven en(de) met recht vore/ scepen(en) van loven(e) derve(n) sulle(n) Welke vurwerden en(de) gelufte(n)/ alle en(de) iegewelke vors(creven) hebben geloeft de vors(creven) p(ar)tijen/ in beiden zijden deen den and(ere)n tot elx manissen te doene en(de)/ te voldoene in alle d(er) vuegen en(de) manie(re)n bove(n) geruert/ t(am)q(uam) ass(ecutu)m En(de) tot al des vors(creven) steet heeft de selve b(ar)bele/ weduwe des vors(creven) wile(n) jacops alnoch geloeft alle(n) den/ selve(n) p(er)soenen aut altrj ii gul(den) peet(er)s stuc va(n) xviii stuv(ers)/ halff te bamisse naestcomen(de) en(de) dander helicht bove(n)/ jaers d(aer) nae te betalen en(de) telke(n) t(er)mijne als v(er)volghde/ schout cor(am) abs(oloens) opp(endorp) febr(uarii) iiii[ta]