Item jan le bonier de jonghe sone jans le bonier en(de) heilwich/ coulon sijn wijf in jeg(enwoirdicheit) der scepen(en) van loven(e) gestaen v(er)kennen(de)/ en(de) liden(de) dat sij met wettigen voirtgaende(n) tractaten tusschen hen/ t(er) eenre en(de) reinuwaerde le bonier bruder des voirs(creven) jans des jongen/ in dande(re) gedaen getracteert en(de) gesloten afgepoent en(de) geconte(n)teert/ sijn van allen rechten actie(n) en(de) aenspraken die den selve(n) gehuys/ schen v(er)shenen sijn in alle de goede het sij have oft erve die/ bleve(n) sijn na de doot wilen beatrisen moeder der voirg(enoemde) gebrued(ere)n/ en(de) die blive(n) sulle(n) na de doot des voirs(creven) jans des vaders Hebben/ geloeft voe(r) hen hue(re)n erve(n) en(de) nacomelinge(n) den voirg(enoemde) reinuw(aer)de/ le bonier in toecomen(de) tijden hen ne(m)mermeer rechts te v(er)meten/ inde voirgeruerde goeden het sij voe(r) oft nae de doot sijns vaders/ voirs(creven) so wair dat sij geleg(en) sijn oft met wat name dat sij/ genoempt moegen wesen m(aer) sullen die den vors(creven) reynuwairde/ en(de) sine(n) erfgename(n) tot ewighen daghen laten volgen/ ghebruyken hante(re)n hantplichte(n) en(de) sijne(n) vrien wille d(aer) mede/ laten doen het sij die te v(er)cope(n) ewech te make(n) oft and(er)ssins te/ moege(n) dispone(re)n d(aer)t hem gelieft Geloven(de) voerts de selve gehuys/ sche(n) de(n) selve(n) reinuw(aer)de noch oic den genen die de voirs(creven) goede/ nae doot des vors(creven) jans des vad(er)s aenverde(n) sulle(n) ne(m)m(er)meer aen te/ spreke(n) te moeyen noch te vexe(re)n bij hen selve(n) oft bij yeman(de) anders/ in eghene(n) rechte geestelic oft weerlic in enig(er) manie(re)n Bekennen(de)/ en(de) verliden(de) de voirs(creven) gehuysschen met oppenbae(re)n quijtscelden(e)/ inde selve goede niet wederstaen(de) den lantrechte d(aer) mede dat/ sij inde selve goede gericht mochten sijn negheen recht voerdae(n)/ meer te hebben ende den selve(n) reinuw(aer)de op dat hijs beg(er)t als(dan)/ nae doot des voirs(creven) vaders vanden selven goeden beide have/ en(de) erve behoirlike quitan(cie) ende vertienisse te doene/ soe hem die nae recht soude moegen dienen ende/ behoeve(n) Behoudelic oft de voirs(creven) gehuysschen vanden/ selve(n) goeden vanden selve(n) janne le bonier den vader/ even verre hij dier mechtich is v(er)sien worden het sij met/ testame(n)te oft anderssins dat hen die ombelet vanden/ voirs(creven) reinuwairde bliven en(de) volghen sulle(n) sonder argelist/ cor(am) oppend(orp) prijke(re) febr(uarii) xi