Tvo(n)nisse tussche(n) janne vande(n) wate(re) wonen(de) te vynckenbosch in/ deen zijde en(de) janne m(er)tens wonen(de) inde hoelstrate in dande(re) alse/ van dat de vors(creven) jan vand(en) wate(re) over seker lant dat hij in pech/ tinghe(n) houdt besayt met coirne geleg(en) buyte(n) de perckpoirte/ aen tcruce ald(aer) gevairen soude hebben en(de) opgeslage(n) aende de/ levende hage uutgewoirpe(n) en(de) hem d(aer) aen scade gedaen ende/ v(er)dorve(n) een dach(mael) corens oft d(aer) omtrint gelijc hij dat boet te/ thoene(n) hopende en(de) meyne(n)de wair hij dat gethoene(n) coste/ dat hij dat oprichte(n) en(de) v(er)gelde(n) soude t(er) taxacie(n) van goede(n)/ ma(n)ne(n) hen des v(er)staen(de) Dair aff de voirg(enoemde) jan vande(n) wate(re)/ de (contra)rie hopende seggen dede met sijne(n) voirspreke dat/ wair wa(r)e dat hij met sijne(n) wagen en(de) p(eer)den gevaren es/ geweest inde de strate aen scruce ald(aer) staende die soe/ quaet was te dier tijt dat hij met sijne(n) wagen en(de) peerde(n)/ dair doe(r) niet liden en mochte en(de) soe see(r) met smede? v(er)laden/ dat d(aer) niemant met waghen met p(eer)den noch met getouwe(n)/ doir come(n) en mochte Oic es wair dat de vors(creven) wat(er)man inde/ vors(creven) strate soe v(er)re gevaren was in p(rese)ncien des vors(creven) jans m(er)tens/ dat de vors(creven) jan m(er)tens hem hadde [wille(n)] laten costen eene(n) pot hoppe(n)/ oft xviii miten dat des vors(creven) wat(er)mans waghe(n) en(de) p(eer)den die/ de selve jan m(er)tens selve inde strate geleyd hadde opt tvors(creven)/ velt gestaen hadden gelijc wat(er)man dat oppenbairlic/ thoende inde(n) rechte Es dat de scepen(en) van lov(en) t(er) manisse(n)/smeyers ghewijst hebbe(n) voir een vonisse[met desen woirden] nae aensp(ra)ke/ v(er)antw(er)den en(de) thoenisse van beide(n) p(ar)tien dat de vors(creven) jan/ vand(en) wate(re) ongehoude(n) sijn sall vand(er) aensp(ra)ken die de vors(creven)/ jan m(er)tens te hemw(er)t gedaen heeft P(rese)ntib(us) o(mni)b(us) scab(in)is ex(cep)[to]/ kersmakere m(ar)cii prima