It(em) de vors(creven) lambrecht heeft geloeft den vors(creven) diericke bye/ te geld(en) en(de) te betale(n) alle de v(er)schene(n) rinte(n) en(de) lijfpe(n)s(ien)/ tot opdese(n) dage toe opde vors(creven) goede v(er)schene(n) alsoe/ dat de selve dieric noch sijn goede uut ocs(uyne) va(n)/ die(n) ongeprae(m)t sijn sulle(n) en(de) blive(n) En(de) oft de vors(creven) goede/ uut ocs(uyne) va(n) dien gestadicht wa(r)en die scade heeft/ lambr(echt) geloeft geheelic tot sijnd(er) last te bet(alen) cor(am) eisd(em)