Tvonnnisse tusschen wille(m)me uuten liem(in)ghen sone wile(n) wout(er)s/ in deen zijde ende ja(n)ne vanden bossche briede(r) in dand(er) alse/ van eenre croenen erfchijs die de vors(creven) wille(m) houden(de)/ was ond(er) meer ande(re) pande en(de) ond(er)pande op een persse mette(n)/ huysinghe(n) hoven en(de) met allen hue(re)n toebehoerten geleg(en) opde voe(r)/ neve(n) de goerstrate tussce(n) de goede mychiels absoloens en(de) de/ strate gaende t(er) perssen wert des cloest(er)s va(n) s(in)te g(er)truden te loeven(e)/ van welk(er) croenen de vors(creven) wille(m) ingebreke sijnde va(n) betali(n)gen/ gepant hadde zeke(re) pande inde vors(creven) huysinge bevonde(n) Welke/ afgepande pande de vors(creven) jan vanden bossche als op heden dach/ genome(n) hadde mett rechte te v(er)antwerden seggende ald(aer) dat/ hij den vors(creven) wille(m)me de vors(creven) croene opde vors(creven) goede geheelic/ ontkinde en(de) dat hij met sijnder pendingen v(er)doelt soude/ sijn ten wa(r)e dat hij meer d(aer) toe dade van behoude also hij/ dat va(n) rechts wegen sculdich wa(r)e te doene D(aer) af de vors(creven)/ wille(m) de (contra)rie meynde seg en(de) dede d(aer) lesen zeke(re) scepen(en)/ brieve d(aer) mede hij inde selve croene opde vors(creven) goede/ met meer ande(re) ond(er) pande gegoet en(de) geerft was vanden/ kind(ere)n wout(er)s wile(n) sruysschen inden ja(r)e van liiii inde maent/ va(n) meye xi dage welc wilen wout(er) te voe(re)n inde selve
//
croene gegoedt was bij ja(n)ne vanden mu(n)stre en(de) thomase/ vanden velde wyng(ar)ders inden ja(r)e va(n) xxxvi[en] voirleden mey/ nende d(aer) o(m)me dat hij niet gehouden en soude sijn behoirt d(aer)/ af te doene m(aer) dat hem genoech sijn sijne scepen(en) brieven/ van loeven(e) vors(creven) aengesien dat jan vanden bossche niet geal/ ligeert en heeft enige redenen waero(m)me dat de vors(creven) croene/ opde vors(creven) goede niet staen en soude oft dat de selve wille(m)/ d(aer) af ombehoerlike gued(inge) hadde Es gewijst dat de vorscr(even)/ jan vanden bossche niet genoech bij geleet en heeft om de/ pendinge va(n) wille(m)me vors(creven) te schutten cor(am) kersmake(re) roelofs/ abs(oloens) opp(endorp) velde prijke(re) april(is) xix