SAL8125, Akte: R°33.1 (38 van 350)
Akte R°33.1
Act
Datum: 1454-08-13
Transcriptie
2020-08-04 door kristiaan magnusIt(em) de selve jan van bo(m)male de jonghe sone jans in p(rese)nc(ia) heeft/
genome(n) en(de) bekend dat hij genome(n) heeft van janne uuten hove/
gehete(n) zedele(re) de(n) jonghe(n) voirg(enoemt) drie dachmale(n) en(de) xxv/
roede(n) lants luttel min oft meer geleghe(n) op grobbe(n)donck/
buyte(n) d(er) stad vesten van loeven(e) tusschen de goede des voirs(creven)/
jans en(de) de goede d(er) wittevrouwe(n) van loeven(e) Te houde(n)/
te hebben en(de) te wynne(n) van halfm(er)the naestcomen(de)/
eene(n) t(er)mijn van sesse jae(re) lanck due(re)nde deen nae dand(er)/
stappans sond(er) middel volghende elx jaers da(re)n bynne(n)/
o(m)me en(de) vore vijf mudde(n) rox goet en(de) payabel d(er) mate(n)/
en(de) pacht van loeven(e) met wa(n)ne en(de) met vede(re) well/
bereet alle jae(re) te sinte j andriesmisse apostels te betale(n)/
de(n) voirs(creven) janne uuten hove en(de) te loeven(e) te leve(re)n d(aer)t/
den selve(n) janne gelieve(n) sall de(n) voirs(creven) t(er)mijn due(re)nde/
en(de) telke(n) t(er)mijne als v(er)volghde schout Met vorwerde(n)/
dat de voirs(creven) jan de smet tvoirs(creven) lant ten lesten jae(r)/
van sijne(n) t(er)mijne wael en(de) loflijke(n) met xv botvoed(ere)n mest/
ov(er)mesten sall ten prijse van goede(n) ma(n)nen hen dies/
verstaende en(de) d(aer)aff sall hij de braeckrapen inne doen/
en(de) d(aer)nae met meer vruchten opde voirs(creven) goede wynne(n)/
noch werve(n) in egheend(er) manie(re)n cor(am) eisd(em)
Nagekeken door: Karel Embrechts
Moderator: Karel Embrechts
Laatste update:: 2013-10-02 door Jos Jonckheer