It(em) den vors(creven) twee p(er)soene(n) oft enighen van hen beleit sijnde/ totten goeden des vors(creven) willems van hout(er)le sulle(n) de brieve/ onder tscepen(en) bliven liggen(de) tot dien eynde dat nochta(n) niet/ wederstaen(de) den selven beleide de vors(creven) willem alle der vors(creven)/ goede have en(de) erve sijnen leefdach lang due(re)nde ge/ bruyken sall en(de) die moegen vercoepen belasten en(de) beswe(re)n/ so hem dat gelieve(n) sall en(de) oft hem yemant d(aer) aen/ ongebruyc dade so soude de geleidde hem tot besceide mette(n)/ selve(n) beleide behulpen en(de) den vors(creven) wille(m)me van live/ t(er) doot comen sijnde sal de selve geleidde alle de goede/ nae den selven wille(m)me bliven(de) beide have en(de) erve mette(n)/ selve beleide doen volghen den wettigen kinde(re)n des selfs/ willems alsdan levende en(de) rae en(de) hens gebreken(de) hue(re)n/ wettigen geboerten sonder die goede te moegen v(er)coepen oft/

te v(er)setten en(de) sal de vors(creven) geleidde den selven kind(ere)n elke(n)/ van sine(n) gedeelte vestich(eit) doen sond(er) sine(n) cost Behoud(elic) oft/ enich vanden kind(ere)n storve sond(er) wettige [gebuerte] dat dan sijn ge/ deelte [vanden erfgoede(n)] comen sal en(de) v(er)sterven opden and(ere)n lanxt levende/ en(de) oft sij alle sterven sonder wettige geboerte acht(er) te laten/ dat dan die goede geheelic en(de) all v(er)sterven sullen en(de) volgen/ de naesten ergenamen des selfs willems t(er) zijden des selfs/ willems dwelc de vors(creven) willem alsoe beg(er)t heeft gedaen/ te worden Behoud(elic) voe(r) al dat [die] geleidde gehoude(n) sal sijn/ te quite(re)n alsulke goede als de vors(creven) wille(m) in sine(n) levene/ en(de) nae den beleide v(er)cocht sal hebben sond(er) argelist cor(am) eisd(em)