It(em) de vors(creven) henric uut(er) helicht sal hem mette(n) vorscr(even)/ scoutbrieve doen leiden alst hem gelieft tot alle(n) den goeden/ have en(de) erve d(er) vorg(enoemde) gehuysschen en(de) dat gedae(n) sijnde/ sulle(n) beide scoutbrief en(de) beleittbrieff ond(er) scepen(en) van lov(en)/ blive(n) liggende tot behoef des vors(creven) henrix den t(er)mijn va(n)d(er)/ vors(creven) pechtinghe(n) due(re)nde o(m)me den selve(n) henricke d(aer) mede/ alle behulp va(n) rechte te doene en(de) te late(n) geschien/ opde goede d(er) selv(er) gehuyssche(n) so wa(n)neer hij des behoeve(n)/ sal Te weten oft hij in toecomen(de) tijde(n) enich gebrec/ hadde oft bevonde in enige(n) pointe(n) begrepen ind(er) pechti(n)gen/ voirg(eruert) o(m)me dat gebrec voldaen te hebbe(n) met allen/ coste(n) en(de) lasten va(n) rechte en(de) den t(er)mijn vand(er) pechtinghen/ verstreken sijnde en(de) den vors(creven) he(n)rike d(aer)af negheen gebrec/ hebbende datme(n) dan den vors(creven) schoutbrieff en(de) beleitbrief/ den selven gehuysschen wed(er)om geve(n) sal oft die anichele(re)n/ Geloven(de) alnoch de vors(creven) gehuyssche(n) den vors(creven) henricke/ dat sij binne(n) den tijde vander pechtinge(n) nyeman(de) egeen/[schout]brieve(n) noch beleitbrieve(n) tot negheend(er) plaetsen beke(n)ne(n)/ en sulle(n) noch nyemands borge blive(n) en sulle(n) cor(am) eisd(em)