Cond zij alle(n) lieden dat jan van ov(er)berch geheeten van/ ansbrugghe en(de) katline langvoets sijn wijff in jeg(ewordicheit)/ der scepen(en) van loeven(e) gestaen hebbe(n) genome(n) en(de) bekint/ dat sij genome(n) hebbe(n) van elegaste vander mee(re)n en(de)/ joffrouwe lijsbetthe(n) gruwels dwinhoff des selfs ele/ gasts en(de) joffrouwe lijsbetthen metten huysen hoven/ wynnen(de) landen beemde(n) eeusselle(n) en(de) alle(n) sine(n) toebe/ hoerte(n) gelegen te humeleghem uutgenome(n) steynen/ huys mett(er) grecht d(aer) om liggen(de) en(de) den groeten bog(ar)t/ mette(n) rijstalle en(de) den ouden coelhoff aende(n) borre/ liggen(de) mette(n) houthuyse aende porte vanden hove/ geleg(en) d(aer) inne de vors(creven) winne egeen recht en/ behult Te houden te hebbe(n) en(de) te winne(n) va(n) half/ meye lestlede(n) eene(n) t(er)mijn van xii jare(n) lang due(re)nde/ deen nae dand(er) sonder middel volgen(de) elx jaers/ dae(re)n binne(n) te wete(n) de wynnen(de) lande o(m)me en(de) vore/ de helicht van alle(n) den coerne en(de) vruchte(n) opde/ selve goede jairlix wassende en(de) de vors(creven) beemde(n)/ ende eeusselle(n) alle jare vore en(de) o(m)me xxiiii g(ri)pen/ te weten xl pl(a)c(ken) brabants gelts voe(r) elke g(ri)pe/ vors(creven) gerekent alle jare s(in)te m(er)tens dage inden/ wint(er) te bet(alen) den vors(creven) elegaste en(de) joffrouwe/ lijsbetthen oft den eenen van hen bring(er) sbriefs/ den vors(creven) t(er)mijn due(re)nde en(de) telken t(er)mijne als/ vervolghde schout opde vurwerden en(de) (con)dicien/ h(ier) onder bescr(even) Inden ierste(n) dat de vors(creven) winne(n)/ den vors(creven) hue(re)n t(er)mijn due(re)nde [de vors(creven) goede] wael en(de) loflic wi(n)ne(n) meste(n)/ en(de) drijven sulle(n) op huer behoerlike voren en(de) alt(oes)/ ten behoerlike(n) tijden met hue(re)n behoerlike greyne/ besayt [hebbe(n)] gelijc regenoeten boven en(de) benede(n) It(em)/ / dat ten oeghste als de vruchte(n) opde velde rijp sijn/ sulle(n) dat de winne die ter sijnd(er) cost picken en(de)/ afdoen sall en(de) die inde(n) bant leve(re)n en(de) die alsdan half/ en(de) half deile(n) sulle(n) en(de) des vors(creven) elegaste en(de) joffr(ouwe)/ lijsbetthe(n) helicht inde schue(r) vue(re)n [en(de) tassen] eer sij thenne/ sulle(n) moge(n) rue(re)n en(de) wa(n)neer me(n) de selve vruchte(n)/ opde lande deilen sall so sulle(n) de vors(creven) elegast en(de)/ joffr(ouwe) ald(aer) eene(n) bode va(n) hue(re)n wege(n) sinden die huer/ helicht alsd(oen) aenverde(n) sall It(em) voert sulle(n) de vors(creven)/ wi(n)ne(n) jairlix den vors(creven) elegaste en(de) joffr(ouwe) lijsbetthe(n) leve(re)n/ ii[m] walme(re)n o(m)me de huyse vande(n) hove mede te/ decke(n) en(de) wa(n)neer men dien ald(aer) v(er)decke(n) sal sal/ de vors(creven) wi(n)ne de werclude(n) den montcost geven/ en(de) de vors(creven) elegast en(de) joffr(ouwe) lijsb(eth) sulle(n) hen huer/ dachue(re)n betalen en(de) des sal de selve wi(n)ne leve(re)n/ teenen en(de) dackroeden diemen ald(aer) behoeven sall op/ sine(n) cost en(de) die vanden goeden nemen t(er) minst(er) scade(n)/ op dat hijse vint It(em) voert sal de selve wi(n)ne/ jairlix den vors(creven) elegaste en(de) joffr(ouwe) lijsbetthen leve(re)n/ xxxii mandelen stroes die huer beste(n) ald(aer) ette(n) sulle(n)/ sond(er) die uute(n) hove gevuert te wordene en(de) dmest/ d(aer)af comen(de) sal de winne vue(re)n op dlant tot hue(re)n/ meeste(n) p(ro)fijte It(em) sal noch de selve winne den/ vors(creven) elegaste en(de) joffr(ouwe) lijsbetthen jairlix vueden/ ii lijfverkene welke v(er)kene de vors(creven) sij den selve(n)/ wi(n)ne op hue(re)n cost leve(re)n sulle(n) It(em) sulle(n) de wi(n)ne/ en(de) de vors(creven) elegast en(de) joffr(ouwe) lijsbeth va(n) malca(n)de(re)n/ mogen scheiden binne(n) den iersten sesse jare(n) op alsoe/ dat de ghene die alsoe scheide(n) wilt dat den and(ere)n/ een jaer te voe(re)n condigen moet It(em) noch es vurw(er)de/ / dat de vors(creven) winne jairlix den vors(creven) t(er)mijn/ due(re)nde de vors(creven) beemde en(de) eeusselle wael/ en(de) loflic beheyme(n) en(de) bevreede(n) laten g en(de) die/ tot sijnen afsceiden alsoe laten d(aer) toe hij den loeck/ opde vors(creven) goede t(er) minster scaden nemen sall It(em)/ alle de v(er)droeghde willigen vanden vors(creven) goeden/ sal de winne mogen afhouden en(de) voe(r) elke/ v(er)droeghde willige wed(er)om setten twee leve(n)de/ poeten vanden selven aerde It(em) sal de winne/ alleene behouden den cleinen bog(ar)t gelegen/ acht(er) de groete schue(r) opden chijs d(aer) uutgaen(de)/ die hij ten behoerliken tijden gelden en(de) betalen/ sall sonder den vors(creven) elegaste en(de) joffr(ouwe) lijsb(etthen)/ d(aer) inne enigen sacht te hebben uutgenomen inde/ rebbingen ende suetneven die de vors(creven) elegast/ en(de) joffr(ouwe) lijsb(eth) jairlix halff hebben sullen die/ de winne tot sijnder cost afdoen sal ende lesen en(de)/ die t(er) eerden leve(re)n en(de) d(aer) tegen sal de wi(n)ne/ jarlix hebben half die ewierssche peeren die/ inden vors(creven) groeten bog(ar)t jairlix wassen sullen/ en(de) die sullen elegast en(de) joffr(ouwe) lijsbeth den vors(creven)/ winne t(er) eerden leve(re)n op hue(re)n cost It(em) de/ winne sal alleene tot sinen verdoene behouden/ den coelhoff acht(er) dwoenhuys vanden selven/ hove met iii noetboemen tegen tvelt staende/ inden selven coelhoff sonder den vors(creven) elegaste/ en(de) joffr(ouwe) lijsbetthen d(aer) inne enichsins sacht te/ hebben It(em) voert sal de winne sijnen tijt due(re)nde/ alleene hebben en(de) behouden dbloc liggende voe(r)/ de poerte vanden vors(creven) hove opden chijs d(aer) uut[beide uute(n) vors(creven) coelhove en(de) bloke]/ gaende die de wynne oic ten behoerlike(n) tijde(n) gelde(n)/ sall uutgenome(n) dat de selve elegast en(de) joffr(ouwe)/ lijsbeth jairlix hebbe(n) sulle(n) de helicht vande(n) oefte/ d(aer) inne wassende welke helicht de wi(n)ne jarlix/ hen op sinen cost t(er) eerden leve(re)n sall It(em) so wa(n)neer/ den vors(creven) elegaste en(de) joffr(ouwe) lijsbetthe(n) gelieve(n) sal/ enich core(n) va(n) hue(re)r vorg(eruerde) helicht come(n)de t(er) merct/ wert oft elswair te doen vue(re)ne dat de vors(creven) wi(n)ne/ hen dat sal moete(n) vue(re)n op sijne(n) cost opde twee/ mile(n) o(m)megaens den vors(creven) hove d(aer) sijs bege(re)n sulle(n)/ en(de) des sal de winne hebbe(n) tkaff en(de) overkerne comen(de)/ van hue(re)r helicht alsment derssche(n) sal m(air) des sele(n)/ elegast en(de) joffr(ouwe) lijsbeth jairlix hebbe(n) x oft/ xii wa(n)ne(n) kaefs en(de) niet meer It(em) oft de wi(n)ne/ enige(n) vanden vors(creven) goede(n) binne(n) sijne(n) t(er)mijne hoer/ vruchte d(aer) af sulle(n) elegast en(de) joffr(ouwe) lijsbeth/ de helicht d(aer) op wassende jairlix alst gebuerde/ hebbe(n) en(de) oft hij niet hoervruchte(n) en woude so/ sal hij hen jairlix geve(n) d(aer) voe(r) en(de) betale(n) te kerss(misse)/ een sister erwete(n) love(n)scher mate(n) het en wae(re) dat/ de wi(n)ne opde lande enige erwete(n) sette(n) dade/ oft saeyde d(aer) af soude(n) de selve elegast ende/ joffr(ouwe) lijsbeth de helicht hebbe(n) en(de) alsd(oen) sal hij/ ongehoude(n) sijn vanden selve(n) sist(er) iet te geven oft/ te bet(alen) It(em) sal de vors(creven) wi(n)ne de vors(creven) wi(n)nen(de)/ lande tot sijne(n) afsceide(n) laten wael en(de) loflic ge/ wonne(n) en(de) geworve(n) en(de) besayt met goeden greyne/ want hij die tot sijne(n) aencome(n) gevonde(n) heeft/ Kennen(de) voert de vors(creven) wi(n)ne en(de) sijn huysvrouwe/ vande(n) selve(n) elegaste en(de) sijnder huysvrouwe(n)/ / joffr(ouwe) lijsbetthen genomen te hebben de thiende va(n)/ humeleghem met hue(re)n toebehoerte(n) met alsulke(n) rechte/ als de selve elegast en(de) joffr(ouwe) lijsbetthe(n) d(aer) aen/ hebben [en(de) niet vord(er)] die de selve elegast en(de) joffr(ouwe) lijsbeth va(n)/ div(er)sen p(er)soenen houden(de) sijn Die te houden en(de)/ te hebben den t(er)mijn vander selver thienden toebeh/ due(re)nde [alle jae(re)] op alle alsulke(n) last en(de) recht d(aer) de vors(creven)/ elegast en(de) joffr(ouwe) lijsbeth die op houden(de) sijn alle/ dat te gelden en(de) te betalen jairlix ten behoerlike(n)/ tijden den p(er)soenen diemen dat jarlix es te betale(n)/ en(de) telke(n) t(er)mijne als v(er)volghde Geloven(de) de vors(creven)/ wynne den vors(creven) elegaste en(de) joffrouwe lijsbetthe(n)/ aen eene(n) iegelike(n) tot ewige(n) dage(n) scadeloes en(de) costeloes/ te houde(n) en(de) tontheffen va(n) alle(n) den vurw(er)den gelufte(n)/ en(de) (con)dicie(n) der selv(er) thiende(n) aengaen(de) Behoud(elijc) in desen oft/ den vors(creven) wi(n)ne enich gebrec inder thienden bevonde/ oft d(aer) af stoet oft last toequame dat de vors(creven) ele/ gast en(de) joffr(ouwe) lijsbeth d(aer) af ongehoude(n) sijn sulle(n)/ den vors(creven) wi(n)ne d(aer) af enige restitucie oft oprichti(n)ge/ te doene m(aer) wert den selve(n) wi(n)ne de thiende/ int geheel afgewonne(n) dat hij alsd(oen) ongehouden sijn/ sal en(de) bliven vander pechtingen vanden vors(creven) hove/ In desen oec ond(er)sproken oft den tijt vander thienden/ lang(er) duerde dan den t(er)mijn vander vors(creven) pechtingen/ dat dan den t(er)mijn vand(er) thienden uutgaen sall gelijc/ der pechtingen It(em) sal de vors(creven) wi(n)ne de vorg(eruerde)/ thiende binnen den selve(n) hove jarlix bringen/ en(de) stroe d(aer) af comen(de) binne(n) den hove bliven en(de) ald(aer)/ gesleten worden en(de) dmest d(aer) af sal de wi(n)ne op/ de vors(creven) lande vanden hove vue(re)n tot hue(re)n meeste(n)/ / p(ro)fijte It(em) voert sal de wi(n)ne jarlix gehoude(n) sijn te/ vue(re)n [vand(en) vors(creven) hove] xiiii voeder mests opde(n) wijng(ar)t des selfs ele/ gasts [en(de) joffr(ouwe)] en(de) de stake(n) die [sij] de selve elegast jarlix totte(n)/ selve(n) wijng(ar)de behoeve(n) sale(n) sal de wi(n)ne hale(n) met/ sine(n) wagen en(de) p(er)de(n) opt bosch d(aer) de selve elegast en(de) joffr(ouwe)/ die coepe(n) sale(n) die opde(n) vors(creven) wijng(ar)t leve(re)n [en(de) den afval vande(n) selve(n) wijng(ar)de jairlix op sine(n) cost hen thuys bringe(n)] It(em)/ wa(n)neer den wijn opde(n) wijng(ar)t gelese(n) sal worde(n)/ die(n) sal de winne hale(n) en(de) die(n) den vors(creven) elegast en(de) joffr(ouwe)/ tot hue(re)n huse leve(re)n en(de) de balge(re)n d(aer) af comen(de)/ inder persse(n) vue(re)n en(de) den wijn d(aer) uut comen(de) wed(er)om/ thuys bringe(n) sonder ten coste des selfs winne(n) It(em)/ den gevaette(n) wijn sal de wi(n)ne gehoude(n) sijn des vors(creven)/ ii p(er)soene(n) jarlix te leve(re)n en(de) te vue(re)n op ii mile(n)/ o(m)megaens de(n) vors(creven) hove d(aer) hen dat gelieve(n)/ sall gelijc de(n) [hue(re)n] vors(creven) coerne It(em) voert meer sal/ de wi(n)ne den vors(creven) elegaste en(de) joffr(ouwe) lijsbetthe(n)/ met sine(n) wage(n) en(de) p(er)den jarlix hale(n) alle huer/berm berrehout dat sij binne(n) hue(re)n hove v(er)berre(n)/ sulle(n) en(de) dat ten coste des vors(creven) wi(n)ne(n) En(de) alle/ dese vurwerden gelufte(n) en(de) (con)dicie(n) (et)c(etera) cor(am) velde m(er)sels/ no(vem)[br(is)] xii