Item die voirscr(even) raes vander rivie(re)n in p(rese)ncia der scepen(en)/ van loeven(e) gestaen heeft ghebeden gheconsenteert en(de)/ bevolen henricken vander calste(re)n aldair jeghewoird(ich)/ sijnde dat die selve henrick met alsulken beleidt/ brieven dair mede henrick wilen vander calste(re)n/ des voirscr(even) henrix vader te twee malen gheleydt/ was tot den goeden raes wilen vander rivie(re)n vader/ des voirs(creven) raes d(aer) aff deen beleydt geregistreet steet/ opder came(re)n arnold(i) kyp opden lesten dach va(n) mey/ int boeck van xxxiii Ende dander beleydt opder/ selver cameren es ligghen(de) in eenre bussen dat de/ selve henrick sone des voirs(creven) wilen henrix d(aer)op dese/ voirs(creven) beleyde comen sijn metten selven beleyde(n) ter/ manissen ene begheerten des voirs(creven) bertholomeeus/ oft jans madea sone wilen machiels a(u)t alt(eri) Den/ selven berthelmeeuse op cost vanden goeden alsoe vele/ doen sall dat die vors(creven) berthelmeeus van allen den/ voirs(creven) pointen ende vurwerden en(de) ande(re)n sijne(n) ghe/ breke na inhout sijnre scepene(n) brieve(n) voirscr(even) ver/ nueght betaelt ende voldaen worde vande(n) gedeelte/ des voirs(creven) raes inde(n) vors(creven) goede(n) hem behoiren(de) Ende/ desgelijx oic de(n) voirs(creven) borghe(n) so vele mette(n) selve(n) beleide(n)/ te hulpe(n) te comen(e) en(de) te doene dat sij vande(n) vors(creven) borch/ tochte(n) alst he(m) gelieft ghelost te worden(e) en(de) voirt/ onthaven van allen costen scaden en(de) int(er)est het sij/ vroentcost teringhe oft ande(r) hoedanich die sijn mochte(n)/ die sij oft huer bode oft diene(re)n d(aer)om gedaen sulle(n) hebben/ oft geled(en) dwelc die vors(creven) henric alsoe geloeft en(de) toe/ geseeght heeft te voldoen(e) en(de) te doen geschieden(e) cor(am) eisd(em)